काठमाडौं । यस साता सेयर बजारमा थप १ करोड ७३ लाख कित्ता बढी सेयर थपिएको छ । दुई कम्पनीको बोनस सेयर नेपाल स्टक एक्सचेञ्ज(नेप्से) सूचीकृत भएको हो ।
बिहीबार सगरमाथा इन्स्योरेन्स र सिटिजन्स बैंक इन्टरनेशनलको १ करोड ७३ लाख ४१ हजार ८५३ कित्ता बोनस सेयर सूचीकृत भएको हो ।
जसमध्य सगरमाथा इन्स्योरेन्सको ११ लाख १ हजार ३४५.२९ कित्ता रहेको छ । कम्पनीले ११ प्रतिशत बोनस सेयर वापतको उक्त सेयर नेप्सेमा सूचीकृत गराएको हो ।
यस्तै, सिटीजन्स बैंकको १ करोड ६२ लाख ४० हजार ५०८.९१ कित्ता बोनस सेयर सूचीकृत भएको हो । बैंकले १२.९१३ प्रतिशत बोनस सेयर वापतको उक्त सेयर नेप्सेमा बिहीबार सूचीकृत गराएको हो ।
यी दुवै कम्पनीको बोनस सेयर अब हितग्राही खाता जम्मा भएपछि सेयरधनीहरुले कारोबार गर्न सक्नेछन् ।
वि.सं.२०७८ पुस २ शुक्रवार १५:४४ मा प्रकाशित
