नेपालको उर्जा भारतमा लगेर बेच्नका लागि हामीलाई समस्या हुने अवस्था आएको छ ।
हामीसँग भारतीय अधिकारीहरुले गफमा भनेका छन् चाइनाको लगानीमा बनेका आयोजनाहरुको विजुली हामी किन्दैनौ भनेर । २०२६ सम्ममा नेपालले ७ हजार मेगावाट विजुली उत्पादन गर्छ ।
त्यसको खपत भारतले गरेन भने त्यो खेर जान्छ । विद्युत प्राधिकरणले अहिले १५ सयदेखि २००० मेगावाटसम्म उत्पादन हुदा त विद्युत विक्रि नभएर दैनिक ४/५ करोडको घाटा भएको भनिरहेको छ । पछिल्लो समयमा उर्जाको खपत बार्षिक २० प्रतिशतले बढेको छ ।
अवको ५ बर्षमा ५ हजार मेगावाट विजुली बढी हुनेछ । यदी नेपालको विजुली भारतले किन्ने नै भएपनि ट्रान्समिसन लाइनको आवश्यकता पर्छ तर ट्रान्समिसन लाइन बनेको छैन एमसिसीका कारणले । एमसीसी तत्काल पास गर्नुपर्छ होइन भने फिर्ता गर्नुपर्छ यसरी झुलाउन हुदैन ।
नेपालमा ४२ हजार मेगावाट विद्युत उत्पादनको सम्भावना छ । यदी १० हजार नेपालमा खपत भएपनि बाँकी भारतमा लैजानुपर्छ। त्यसका लागि ५/७ वटा अरु ट्रान्समिसन लाइन बनाउनुपर्छ । एमसीसीमा विवाद गर्नु ठिक होइन । विजुली बेच्न नसकेमा भोलिका दिन बैंकक्रप्ट हुनसक्छ । हाल ७ देखि ८ हजार मेगावाटको विजुली निर्माणाधिन छ, जुन बन्द गर्न सकिदैन ।
(आर्थिक पत्रकार समाज (सेजन) र पोलिसी इन्टरप्रेनर इन्क (पिआइ) ले संयुक्त रुपमा आयोजना गरेको पुर्वाधार बहसको छैठौ सस्करणमा इप्पानका उपाध्यक्ष गणेश कार्कीले राख्नु भएको विचार)
वि.सं.२०७८ पुस २ शुक्रवार १८:३० मा प्रकाशित
