काठमाडौं । मनकामना स्मार्ट लघुवित्त वित्तीय संस्थाले वार्षिक साधारणसभाका लागि मिति तय गरेको छ ।
कम्पनीको मंसिर २४ गते बसेको संचालक समितिको बैठकले आउँदो पुस १९ गते चौथो वार्षिक साधारणसभा गर्ने निर्णय गरेको हो ।
सभामा संचालक समितिले प्रस्ताव गरे बमोजिम आर्थिक वर्ष २०७७/७८ को खुद नाफाबाट हाल कायम चुक्ता पुँजीको १७ प्रतिशत बोनस सेयर जारी गर्ने विशेष प्रस्ताव रहेको छ ।
सभामा कम्पनीले अन्य इजाजतपत्र प्राप्त घ वर्गका लघुवित्त वित्तीय संस्थालाहरुलाई गाभ्न/गाभिन वा प्राप्ति गर्न अन्य लघुवित्त वित्ती संस्थासंग गाभिनका लागि उपयुक्त देखिएमा सम्पूर्ण कार्यहरु गर्न गराउन तथा सो सम्वन्धी आवश्यक निर्णय गर्न संचालक समितिलाई अख्तियारी प्रदान गर्नेछ ।
सभाले संचालक समितिको तर्फबाट प्रस्तुत गरि आर्थिक वर्ष २०७७/७८ को वार्षिक प्रतिवेदन उपर छलफल गरि पारित गर्नेछ ।
यस्तै, कम्पनीले आर्थिक वर्ष २०७८/७९ को लागि लेखापरीक्षण गर्नका लागि लेखापरीक्षकको नियुक्ति र निजको पारिश्रमिक निर्धारण गर्नेछ ।
यसका साथै वित्तीय संस्थाको संचालक समितिमा सर्वसाधारण सेयरधनीहरुबो तर्फबाट प्रतिनिधित्व गर्ने दुई जना संचालकको निर्वाचन गर्नेछ ।
सभा प्रयोजनका लागि कम्पनीले पुस ४ गतेबाट पुस १९ गतेसम्म बुक क्लोज गर्ने भएको छ ।
वि.सं.२०७८ पुस ४ आइतवार १२:२८ मा प्रकाशित
