काठमाडौँ । बैंक तथा वित्तिय संस्थाले कार्तिकसम्म १ खर्ब १ अर्ब ९५ करोड बढी सेयर धितोकर्जा प्रवाह गरेका छन् । यो अवधिमा २५ वाणिज्य बैंक, १२ विकास बैंक र १४ फाइनान्स उक्त रकम बराबरको कर्जा प्रवाह गरेका हुन् । कार्तिकसम्म आइपुग्दा वाणिज्य बैंकहरुले मात्रै ८६ अर्ब १५ करोड ९४ लाख बढीको कर्जा प्रवाह गरेका छन् ।
कार्तिकमा मात्रै यस्तो कर्जा १ अर्ब ९६ करोड ३५ लाख प्रवाह भएको राष्ट्रबैंक तथ्याङकले देखाएको छ । सञ्चालनमा रहेका २७ बैंकहरुमध्ये नेपाल एसबीआई र स्ट्यान्डर्ड चार्टर्ड बैंकले भने यस्तो कर्जा प्रवाह गरेका छैनन् ।
त्यसैगरी विकास बैंकहरुले १२ अर्ब ३५ करोड ८४ लाख र फाइनान्स कम्पनीहरुले पनि यस्तो कर्जा ३ अर्ब ४३ करोड २८ लाख प्रवाह गरेका छन् । कार्तिक सम्म आउँदा वाणिज्यबैंकहरुमध्ये यस्तो कर्जा सबैभन्दा बढी ग्लोबल आइएमइृ बैंकले प्रवाह गरेको छ भने सबैभन्दा कम प्रवाह गर्नेमा कृषि विकास बैंक रहेको छ ।
समिक्षा अवधिसम्म आइपुग्दा ग्लोबल बैंकले ७ अर्ब ७८ करोड २५ लाख भन्दा बढी कर्जा प्रवाह गरेको हो भने कृषि विकास बैंकले ७८ करोड ८५ लाखको हाराहारीमा ऋण प्रवाह गरेको हो ।
अहिलेसम्म सबैभन्दा बढी कर्जा प्रवाह गर्ने ग्लोबल बैंकले चालु आर्थिक वर्षको पहिलो महिना साउनमा ७ अर्ब ३३ करोड ३३ लाख रुपैयाँ सेयर कर्जा प्रवाह गरेको थियो । त्यसैगरी भदौमा आउँदा ७ अर्ब ३९ करोड ५९ लाख, असोजसम्म ७ अर्ब ९१ करोड ५४ लाख कर्जा प्रवाह गरेको थियो । तर, आगामी नयाँ आर्थिक वर्षसम्म सेयर धितो कर्जाको सिमा ४/१२ बनाउनु पर्ने बाध्यात्मक नीतिसँगै बैंकले कार्तिक मसान्तसम्म आउँदा कर्जा र्फिता लिएको छ । अर्थात कार्तिक मसान्तसम्म आउँदा बैंकको यस्तो कर्जा प्रवाह ७ अर्ब ७८ करोड २५ लाखमा कायम हुन आएको छ ।
यद्यपी सबैं राष्ट्र बैंकको यो नीतिका कारण एक बैंकमाले मात्रै कर्जा र्फिता लिएको हैन । यो नीति सार्वजनिक गरेको दिन अर्थात साउन २९ गते यता देखि कार्तिकसम्म बैंक तथा वित्तीय संस्थाहले साढे ६ अर्ब रकम र्फिता लिएका हुन् । अर्थात मौद्रिक नीतिसार्वजनीक गर्दासम्म बैंक तथा वित्तीय संस्थाहरुले कुल १ खर्ब ८ खर्ब ५१ करोड १५ लाख सेयर धितो कर्जा प्रवाह गरेका थिए ।
यद्यपी र्फिता कर्जा रकम मौद्रिक नीतिसार्वजनीक भएसँगै क्रमशः घट्न थालेको भने हैन । मौद्रिक नीतिमा यस्तो व्यावस्था गरपछि लगानीर्तासँग सम्बन्धित विभिन्न संघसंस्थाहरुले यो सिमा खारेजको माग गर्दै आइरहेका छन् । लगानीकर्ताको आन्दोलनका कारण सुरुमा अर्थमन्त्रालय तथा राष्ट्रबैंकले केही समय उक्त सिमाको प्रभाव हेरेर फेरबदल गर्न सकिने आस्वासन दिएसँग कर्जा प्रवाह तरंगीत भएको थियो । यद्यपी राष्ट्र बैंकले आधिकारीक रुपमा भने त्यस्तो केही सहूलियत दिने कुरा गरेको भने हैन ।
राष्ट्रबैंकका गर्भनर महाप्रशाद अधिकारी सिमामा अडान लिएर बसेका छन् । तसर्थ यो सिमा खारेज हुने संकेत नदेखिएसँगै चालु आर्थिक वर्षको अन्त्यसम्म लागु गर्ने गरी बैंकहरुले तयारी थालेका हुन् । यसको प्रभावस्वरुप कार्तिक मसान्तसम्म आइपुग्दा यस्तो कर्जा प्रवाह खुम्चिन पुगेको हो ।
यस्तो छ, बैंकहरुको सेयरधितोकर्जा प्रवाहको अवस्था
वाणिज्य बैंकतर्फ
ग्लोबल पछि दोस्रो धेरै सेयर धितो कर्जा प्रवाह गर्ने वाणिज्य बैंक नविल रहेको छ । नविलको साउन मसान्तमा सेयर धितोक कर्जा प्रवाह रकम ६ अर्ब ३३ करोड ६९ लाख रहेको थियो भने कार्तिक मसान्तसम्म बढेर ७ अर्ब २२ करोड ७३ लाख पुगेको छ ।
त्यसैगरी राष्ट्रिय वाणिज्य बैंकको यस्तो प्रवाहित कर्जा साउन मसान्तमा ६ अर्ब ३२ करोड ४१ लाख रहेको थियो भने कार्तिक मसान्सम्म आउँदा खुम्चिएर ६ अर्ब ११ करोड ८७ लाख कायम भएको छ । त्यसैगरी नेपाल बैंक लिमिटेडले पनि कर्जा र्फिता लिएको छ । साउन मसान्तमा सेयर धितोकर्जा प्रवाह ५ अर्ब ५५ करोड ६९ लाख रहेकोमा कार्तिक मसान्तसम्म आउँदा ५ अर्ब २७ करोड ६८ लाखमा कायम भएको छ ।
यसैगरी कार्तिक मसान्तसम्म आइपुग्दा नेपाल इन्भेष्टमेन्ट बैंकले यस्तो कर्जा ३ अर्ब १४ करोड ५३ लाख प्रवाह गरेको छ ।
त्यसैगरी हिमालयन बैंकले १ अर्ब ३१ करोड २६ लाख, नेपाल बंगलादेश बैंकले १ अर्ब ७१ करोड २८ लाख, एभरेष्ट बैंकले २ अर्ब ६३ लाख, बैंक अफ काठमाडौँले २ अर्ब २८ करोड २ लाख, नेपाल क्रेडिट एण्ड कमर्स बैंकले १ अर्ब ८७ करोड ७० लाख, एनआइसी एसिया बैंकले ३ अर्ब ९ करोड ७१ लाख रुपैयाँ कर्जा प्रबाह गरेका छन् ।
त्यसैगरी माछापुच्छ्रे बैंकले १ अर्ब ३२ करोड ८० लाख, कुमारी बैंकले ४ अर्ब ५४ करोड ९८ लाख, लक्ष्मी बैंकले २ अर्ब ७७ करोड ४ लाख, सिटिजन्सले ५ अर्ब २० करोड १२ लाख, प्राइम बैंकले४ अर्ब ५ करोड २१ लाख, सनराइजले २ अर्ब ८५ करोड ५२ लाख, एनएमबीले ३ अर्ब ३२ करोड ६ लाख, प्रभुले २ अर्ब १४ करोड २८ लाख, मेगाले ३ अर्ब ८६ करोड ३ लाख, सिभिलले ३ अर्ब ५९ करोड ७९ लाख, सेञ्चुरीले २ अर्ब ८१ करोड ६६ लाख र सानिमा बैंकले २ अर्ब २ करोड ४ लाख प्रवाह गरेका छन् ।
विकास बैंकतर्फ
विकास बैंकहरुमध्ये सबैभन्दा बढी सेयर धितोकर्जा मुक्तिनाथ विकास बैंकले प्रवाह गरेको छ । बैंकले कार्तिकसम्ममा २ अर्ब ३० करोड २२ लाख रुपैयाँ प्रवाह गरेको हो । त्यसैगरी सबैभन्दा बक ग्रिन डेभलपमेन्ट बैंकले प्रवाह गरेको छ । यसले मात्रै ४७ लाख हाराहारीमा यस्तो कर्जा प्रवाह गरेको हो ।
त्यसैगरी साग्रीलाले १अर्ब ३७ करोड ७८ लाख, एक्सेल डेभलपमेण्टले २४ करोड ५० लाख, गरिमाले १ अर्ब ६ करोड १८ लाख, कामनाले १ अर्ब ९ करोड ७७ लाख, ज्योतिले १ अर्ब ९४करोड २१ लाख, साइन रेसुङाले ६५ करोड ४६ लाख, लुम्बिनीले १ अर्ब ५३ करोड ३३ लाख, सिन्धुले २४ करोड ६९ लाख सप्तकोशिले १ करोड रुपैयाँ बराकरको कर्जा प्रवाह गरेका हुन् ।
वि.सं.२०७८ पुस ४ आइतवार १५:३८ मा प्रकाशित
