काठमाडौँ । साताको पहिलो कारोबार आज सेयर बजारमा दोहोरो अंकको गिरावट आएको छ । बजार मापक नेप्से परिसूचक आज १७.९३ अंकले घटेर २३५८.८१ बिन्दूमा कायम भएको हो ।
सोमबार दोहोरो अंकले घटेको बजारमा १४३ कम्पनीका लगानीकर्ताले नोक्सानी वेहोर्नु परेको छ । अर्थात यी कम्पनीको सेयरमूल्यमा गिरावट आएको हो ।
यद्यपी घटेको बजारमा पनि ४३ कम्पनीका लगानीकर्ताले भने कमाएका छन् । साथै दुई कम्पनीका लागनीकर्ताले त अझ एक दिनमा उक्त कम्पनीबाट कमाउन मिल्ने जति कमाएका हुन् । गुरास फाइनान्स र हिमालयन डिष्ट्रिलरीको सेयर मूल्यमा सकरात्मक सर्किट लागेको हो ।
यो दिन कारोबारमा आएका २३१ स्क्रिप्टको ५४ लाख ३९ हजार ८७ कित्ता सेयर किनबेच हुँदा २ अर्ब ४६ करोड ४६ लाख ८९ हजार रुपैयाँ बराबरको कारोबार भएको छ ।
वि.सं.२०७८ पुस ५ सोमवार १५:१६ मा प्रकाशित