काठमाडौं । भीजी अटोमोबाइल्सले विन्टर अफर ल्याएको छ । सुजुकी टु ह्विलरको नेपालका लागि आधिकारिक बिक्रेता भीजीले विन्टर अफर ल्याएको हो ।
अफर अन्तर्गत सुजुकी मोटरसाइकल वा स्कुटर किन्दा स्योर सट १० हजार रुपैयाँ छुट प्रदान गरिने भएको छ । उक्त अफर आगामी पुस ३० गते सम्मका लागि उपलब्ध हुने कम्पनीले जनाएको छ ।
नेपाली बजारमा सुजुकीका जिक्सर सिरिजका साथै हायाते र इन्ट्रयुडर मोटरसाइकलका तथा बर्गम्यान स्कुटर बिक्रीका लागि उपलब्ध छन् । यस्तै, बीएस ६ सुजुकी एक्सेस र बर्गम्यान स्कुटर समेत उपलब्ध छ ।
बर्गम्यान स्कुटर :
नेपाली बजारमा बर्गम्यान स्कुटर ६ कलर भेरियन्टमा उलब्ध रहेको छ । यो उत्कृष्ट फरकपन भएको म्याक्सी स्कुटर हो ।
यसमा १२५ सीसी क्षमताको एयरकुल्ड इन्जिन जडित छ । यसको २२ लिटर स्टोरेज क्षमता रहेको छ ।
फुल डिजिटल ड्यासबोर्ड र एलईडी हेडल्याम्पले यसको आकर्षण बढाएको छ । बर्गम्यान स्कुटरमा मोबाइल चार्जिङ्ग प्वाइन्ट तथा इलेक्ट्रिक र किक स्टार्ट सुबिधा रहेको कम्पनीले जनाएको छ । यसको मूल्य २ लाख ७४ हजार ९ सय रुपैयाँ निर्धारण गरिएको छ ।
सुजुकी एक्सेस बीएस ६ :
यो स्कुटरमा फोर स्ट्रोक सिंगल सिलिन्डर एयरकुल्ड जडित इन्जिन प्रयोग गरिएको छ । यसमा एफआई प्रविधि समेत रहेको छ ।
एसओएचसी २ भल्वयुक्त इन्जिन प्रयोग भएको यस स्कुटरमा इन्जिनले ६७५० आरपीएममा ८.७ पीएस पावर र ५५०० आरपीएममा १० एनएम टर्क जेनेरेट गर्छ । एलईडी हेडल्याम्प तथा बाहिरबाटै पेट्रोल भर्न सकिने कम्पनीले जनाएको छ ।
इलेक्ट्रिक स्टार्ट र किक स्टार्ट दुबै व्यवस्था रहेको सो स्कुटरमा २२ लिटर बराबरको स्टोरेज राखिएको छ । यस्तै मोबाइल चार्जिङ प्वाइन्टसमेत जडान गरिएको छ ।
नेपाली बजारमा यसको मूल्य २ लाख ६३ हजार ९ सय रुपैयाँ तोकिएको छ । यो रातो, निलो र खैरो गरी तीन रङमा उपलब्ध रहेको छ ।
विस्तृतका लागि : suzukimotorcycle.com.np/
वि.सं.२०७८ पुस ५ सोमवार १७:१८ मा प्रकाशित
