काठमाडौं । आज (पुस ७ गते) देखि नारायणी डेभलपमेण्ट बैंकको शतप्रतिशत हकप्रद सेयर बिक्री खुला भएको छ ।
कम्पनीले १ बराबर १ को अनुपातमा १३ करोड १२ लाख ३३ हजार ८ सय रुपैयाँ बराबरको १३ लाख १२ हजार ३३८ कित्ता हकप्रद सेयर बिक्री गर्न लागेको हो ।
उक्त हकप्रद सेयर खरीदका लागि पुस २७ गतेसम्म आवेदन दिन सकिनेछ । उक्त हकप्रद सेयरमा मंसिर २३ गतेसम्म कायम सेयरधनीहरुले मात्र आवेदन दिन सकिने कम्पनीले जनाएको छ ।
कम्पनीले हकप्रद सेयर प्रयोजनका लागि मंसिर २४ गते एक दिन बुक क्लोज गरेकाले मंसिर २३ गतेसम्म कायम सेयरधनीहरु मात्र आवेदन दिन पाउने भएका हुन् ।
बिक्री प्रबन्धकमा ग्लोबल आइएमई क्यापिटल लिमिटेड रहेको छ ।
वि.सं.२०७८ पुस ७ बुधवार १२:३३ मा प्रकाशित
