काठमाडौं । साताको तेस्रो कारोबार दिन सेयर बजारमा उछाल आएको छ । उक्त दिन बजार ९२.१६ अंकले वृद्धि भएको छ ।
उक्त दिन बजार परिसुचक २५०७ अंकको बिन्दुमा पुगेर बन्द भएको छ । ३.८२ प्रतिशत बजार बढेको उक्त दिन कारोबार रकममा पनि बढोत्तरी देखिएको छ ।
उक्त दिन सबै समूह हरियाली देखिएका छन् । अघिल्लो दिन २ अर्ब ३८ करोड बढीको कारोबार भएकोमा आज भने बढेर करिब साढे ४ अर्ब पुगेको छ ।
नेपाल स्टक एक्सचेञ्ज(नेप्से)का अनुसार आज ४ अर्ब ४५ करोड ३३ लाख ८१ हजार रुपैयाँ बराबरको ८१ लाख ४ हजार ३१९ कित्ता सेयर खरिदबिक्री भएको छ ।
उक्त दिन सबैभन्दा बढी हिमालयन डिष्टिलरीको कारोबार भएको छ । आजज कम्पनीको ६८ करोड ३४ लाख ५० हजार रुपैयाँ बराबरको सेयर कारोबार भएको हो ।
कारोबार कै आधारामा दोस्रो स्थानमा रहेको अपर तामाकोशीको १५ करोड ८२ लाख ५४ हजार रुपैयाँ बराबरको सेयर खरिदबिक्री भएको छ ।
यस्तै, उक्त दिन अरुण भ्याली हाइड्रोपावरको १३ करोड ९० लाख १७ हजार, गोर्खाज फाइनान्सको १३ करोड ३७ लाख ६५ हजार रुपैयाँ बराबरको सेयर कारोबार भएको छ
वि.सं.२०७८ पुस ७ बुधवार १५:१७ मा प्रकाशित
