काठमाडौं । होण्डाको एमएमसी एमेज–२०२१ कार नेपाली बजारमा भित्रिएको छ । नेपालका लागि होण्डा कारको आधिकारिक बिक्रेता स्याकार ट्रेडिङ कम्पनीले उक्त कार भित्र्याएको हो ।
यो कारमा रहेको एड्भान्स एलइडी प्रोजेक्टर हेडल्याम्प, एड्भान्स फ्रन्ट फगल्याम्प आकर्षक देखिन्छ । कारमा डायमन्ड कट् टू टोन मल्टी स्पोक आर–१५ एलोए ह्विल्स पनि रहेको छ ।
यस्तै, कारमा गाइडलाइन सहितको रियर मल्टी भ्यू क्यामरा छ । यो कार पेट्रोल र डिजेल दुवै भेरियन्टमा उपलब्ध छ ।
होन्डाले यस कारमा लेस्टाइल, पर्फमेन्स र सुरक्षालाई निकै महत्व दिनुका साथै शानदार इन्टेरियर पनि प्रस्तुत रहेको छ ।
यसमा ७ स्पिड सिभिटी गियरबक्स पनि रहेको छ । कारमा रहेको स्ल्कि सोलिड विङ फेस फ्रन्ट ग्रिलले यसको डिजाइनलाई अझ आकर्षक बनाएको छ ।
अटोमेटिक हेडलाइट कन्ट्रोलका साथै लाइट सेन्सर, प्रिमियम सी–सेप्ड एलइडी कम्बिनेसन ल्याम्प, क्रोम डोर ह्यान्डल लगायत विशेषता रहेका छन् । नेपाली बजारमा यसको मूल्य ३५ लाख ११ हजार रुपैयाँदेखि ३ करोड पर्दछ ।
यो कार विभिन्न ७ मोडेलमा उपलब्ध रहेको छ । जसमध्ये एजेज इएमटी (३५ लाख ११ हजार रुपैयाँ), एसएमटी ३ करोड, ८० लाख ३० हजार), १.२ भीएक्सएमटी (४४ लाख १५ हजार), भीएमटी (४१ लाख ३० हजार), एससीभीटी ( ४३ लाख), भीसीभीटी (४६ लाख ८ हजार) र भीएक्ससीभीटी (४८ लाख १८ हजार) मोडेलमा उलपब्ध रहेको छ ।
वि.सं.२०७८ पुस ८ बिहीवार १८:१७ मा प्रकाशित