काठमाडौं । जीवन विकास लघुवित्त वित्तीय संस्थाले संस्थापक सेयर आजदेखि लिलामीमा ल्याएको छ ।
एक सूचना निकाल्दै कम्पनीले कम्पनीले ४ लाख ७८ हजार ३३८ कित्ता संस्थापक सेयर लिलामीमा बिक्री गर्न लागेको जनाएको हो ।
कम्पनीले संस्थापकहरुको नाममा बाँडफाँट भएको संस्थापक समूहको ४ लाख ७८ हजार ३३८ कित्ता हकप्रद सेयरलाई नेपाल राष्ट्र बैंकबाट बाँडफाँटको स्वीकृती नभएको बिक्री गर्न लागेको हो ।
कम्पनीले विद्यमान अन्य संस्थापकहरुमा नेपाल राष्ट्र बैंकद्वारा घ वर्गका लघुवित्त वित्तीय संस्थाहरुलाई जारी निर्देशन अनुसार फेस भ्यालुमा विक्री गर्न लागेको जनाएको छ ।
उक्त सेयरको मूल्य प्रतिकित्ता १ सय रुपैयाँ तोकिएको छ । उक्त सेयर खरिदका लागि विद्यमान संस्थापकहरुले आवेदन दिन सक्नेछन् ।
बोलपत्र पेश गर्दा न्यूनतम १ हजार कित्ता र अधिकतम सम्पूर्ण कित्ताका लागि आवेदन दिन सक्नेछन् ।
आवेदन आउँदो माघ १३ गते अपरान्ह ३ बजेसम्म कम्पनीको केन्द्रीय कार्यालय कटहरी मोरङमा पुग्ने गरी शिलबन्दी बोलपत्र पेश गर्न सक्नेछन् । कम्पनीको बिक्री प्रबन्धक एनएमबि क्यापिटल रहेको छ ।
वि.सं.२०७८ पुस ९ शुक्रवार १३:०४ मा प्रकाशित
