काठमाडौं । नेपाल राष्ट्र बैंकले ५ सय रुपैयाँ दरको नोट प्रचलनमा ल्याउने भएको छ ।
शुक्रबार एक सूचना निकाल्दै बैंकले ५ सय रुपैयाँ दरको साविककै आकार तथा रङ्गमा आजैदेखि चलनचल्तीमा ल्याउने भएको हो ।
बैंकले संकेत नं. ६/३८ ०००००१ देखि झ/४२ ९९९९९९ सम्मको नेपाल सरकारको जमानत प्राप्त यसको भुक्तानी माग्न आएमा तुरुन्त पाइने जनाएको छ ।
उक्त नोटको बायाँतर्फ सगरमाथाको चित्त, दायातर्फ लालीगुराँसको पानी छाप, नोटको तल्लो भागको बोर्डरमा नोटको सिरिज नम्बर नेपालीमा वि.स. २०७७ लेखिएको हुने बैंकले जनाएको छ।
यस्तै, ३.५ मि.मी चौडा भएको रङ्ग परिवर्तन हुने(नोटलाई सीधा हेर्दा सुनौलो र ढल्काएर हेर्दा हरियो रङ्ग देखिने) कुबेरको चित्र रहेको, लाली गुराँसको पानी छापको बायाँतर्फ फरक क्षमता भएका(वृष्टिबिहीन) हरुले स्पर्श गरेर नोटको दर पहिचाहन गर्नकालागि दुईवटा कालो थोप्ला रहेको बैंकले जनाएको छ ।
हेर्नुहोस् सूचना:
वि.सं.२०७८ पुस ९ शुक्रवार १३:४१ मा प्रकाशित
