काठमाडौं । नेपालमा बेनेली मोटरसाइकल बिक्री गर्दै आएको केटीएम इन्टरनेशनल ट्रेडिङले नयाँ प्रिमियम स्कुटर पानारिया सार्वजनिक गरेको छ ।
कम्पनीले शुक्रबार एक कार्यक्रमको आयोजना गरि बेनेली पानारिया १२५ ईएफआई नेपालमा सार्वजनिक गरेको हो ।
नेपालमा बेनेली मोटरसाइकल र स्कुटरको बिक्री वितरणमा पञ्चकन्या ग्रुपबाहेक गोल्छा अर्गनाइजेसन र सारडा ग्रुप पनि संलग्न रहेको छ।
क्लासिक लुक्स दिने यो स्कुटरमा आधुनिक फिचरहरु छन् । पानारिया १२५ ईएफआईमा नोबल सिंगल सिलिन्डर एयर कुलयुक्त १२४ सीसी इन्जिन रहेको छ ।
इलेक्ट्रोनिक फ्युइन इन्जेक्स (ईएफआई)युक्त इन्जिनले ७५ सय आरपीएममा ८.५ पीएस पावर जेनेरेट गर्छ ।
यसको टर्क पावर ६ हजार आरपीएममा ९.२ एनएम, ४.६ लिटरको इन्धन ट्यांकी रहेको छ । यसले प्रतिलिटर कम्तीमा ४५ देखि ५० किमिसम्म माइलेज दिने कम्पनीले जनाएको छ ।
अगाडि टेलिस्कोपिक फर्कसहित सस्पेन्सन, ९० एमएम ट्राभल, डुअल पिस्टल क्यालिपरसँगै १९० एमएम डिस्क ब्रेकिङ सिस्टम, टेलिस्कोपिक आयल ड्याम्पेन क्वाइल स्प्रिङ रियर सस्पेन्सन रहेको स्कुटरमा १२३ इन्च आल्मुनियम अलोय रिमयुक्त १००/९०–१२ र ११०/९० ट्युबलेस टायर रहेको छ ।
यसमा १२ इन्चको ह्विल, लिदर मोरिएको आनन्ददायी सिट, अगाडि डिस्क ब्रेक, किल स्विच, हाजार्ड लाइट्स र पूर्ण एलईडी लाइट सेटजस्ता आधुनिक फिचर रहेका छन्।
पानारिया १२५ सेतो, कालो, निलो र पहेँलो रङमा नेपाली बजारमा उपलब्ध भएको छ । यसको मूल्य ३ लाख ३४ हजार ९ सय रुपैयाँ राखिएको छ ।
वि.सं.२०७८ पुस ९ शुक्रवार १५:१७ मा प्रकाशित
