काठमाडौं । लुम्बिनी विकास बैंकको साधारण सभा सम्पन्न भएको छ । शुक्रबार बैंकको १४औं वार्षिक साधारण सभा सम्पन्न भएको हो ।
सभाले लाभांश पारित गरेको छ । सभाले १३ प्रतिशत बोनस सेयर र कर प्रयोजनका लागि ०.६८४२ प्रतिशत नगद लाभांश वितरण गर्ने प्रस्ताव पारित गरेको हो ।
सोही सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने र आव २०७८/७९ को लागि लेखापरीक्षकको नियुक्ती गर्ने र निजको पारिश्रमिक निर्धारण समेत गरेको छ ।
सभा संचालक समितिका अध्यक्ष दशरथ रिसालले आर्थिक वर्ष २०७७७८ को वार्षिक प्रतिवेदन प्रस्तुत गर्नुभएको थियो ।
बैंकले “निरन्तर सहयात्रा ” भन्ने नाराका साथ देशभरका ३१ वटा जिल्लामा ७७ शाखाहरु र १७ वटा एटिएमबाट आफ्ना करीब ३ लाख भन्दा बढी ग्राहक महानुभावहरुलाई उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ्ग सेवा प्रदान गर्दै आईरहेको छ ।
वि.सं.२०७८ पुस ९ शुक्रवार १५:५४ मा प्रकाशित