काठमाडौं । सुजुकीको नयाँ सेलेरियो गाडी नेपाली बजारमा आउने भएको छ । उक्त गाडी नेपाली बजारमा अब केही दिनमै सार्वजनिक हुने भएको हो ।
सुजुकी गाडीको आधिकारिक वितरक सीजी मोटर्स कोर्पले बुकिङ गर्न चहानेहरुको लागि प्रि–बुकिङ समेत खुलाएर सुजिकीको नयाँ सेलेरियो ल्याउने तयारी गरेको हो ।
नेपाली बजारमा आउने मिति नतोकिए पनि कम्पनीले यो गाडी २०२१ मोडलको प्रि बुकिङ समेत खुलाएको हो ।
यो गाडी धेरै माइलेज, उत्कृष्ट प्रफमेन्स भएको गाडी हो । सेलेरियो उत्कृष्ट फिचर नै माइलेज हो । हार्टेक्ट प्लेटफर्ममा आधारित नयाँ सेलेरियो नेपालको सबैभन्दा बढी माइलेज दिने कार हुने समेत कम्पनीको दावी छ ।
नयाँ जेनेरेशन सेलेरियोमा १.० लिटर ड्यूलजेट इन्जिन रहेको छ । जसले अधिकतम ६६ हर्स पावर र ८९ एनएम टर्क प्रदान गर्छ ।
यसले २६.६८ किलोमिटर प्रतिलिटरको उच्च माइलेज दिने र ५ स्पीड म्यानुयल र अटोमेटिक गियरबक्स उपलब्ध रहेको छ ।
यो गाडीको लम्बाई ३६९५ एमएम, चौडाई १६५५ एमएम, उचाई १५५५ एमएम, २४३५ एमएम ह्वीलवेस र १७० एमएम ग्राउन्ड क्लियरेन्स रहेको छ ।
यसमा ३१३ लिटर क्षमताको बुट स्पेश र ३२ लिटरको इन्धन ट्याङ्की, अपडेटड हेडल्याम्प, बम्पर र टेलल्याम्प उपलब्ध गराइएको छ ।
यसमा एप्पल कार प्ले र एन्ड्रोइड अटो सपोर्ट गर्ने ७ इन्चको टचस्क्रिन इन्फोटेनमेन्ट स्क्रिन लगायतका बिशेषता पनि उपलब्ध छ ।
सुजुकीको नयाँ सेलेरियोको सुरुवाती भेरिएन्टको मूल्य २७ लाख ९९ हजार रुपैयाँ निर्धारण गरेको छ ।
कार ६ रङ सिल्की सिल्भर, सोलिड फायर रेड, आर्कटिक ह्वाइट, क्याफिन ब्राउन, ग्लिस्टेनिङ ग्रे र स्पीडी ब्लूमा उपलब्ध छ ।
वि.सं.२०७८ पुस १२ सोमवार १२:२० मा प्रकाशित