काठमाडौं । मंगलबार तीन कम्पनीको बोनस सेयरको मूल्य समायोजन भएको छ ।
नेपाल स्टक एक्सचेञ्ज(नेप्से)ले महालक्ष्मी विकास बैंकसहित तीन कम्पनीको सेयर मूल्य समयोजन गरेको हो।
नेप्सेले महालक्ष्मी विकास बैंक, निर्धन उत्थान लघुवित्त वित्तीय संस्था र नेपाल हाइड्रो डेभलपरको बोनस सेयरको मूल्य समोजन गरेको हो ।
नेप्सेले महालक्ष्मी विकास बैंकको २० प्रतिशत बोनस सेयरको मूल्य समयोजनपछि ४७० रुपैयाँ ३३ पैसा तोेकेको छ ।
बैकको अघिल्लो दिन अर्थात सोमबार कायम अन्तिम कारोबार मूल्यको आधारमा समयोजन गरेको हो । सोमबार बैंकको अन्तिम कारोबार मूल्य ५६४ रुपैयाँ ४० पैसा रहेको थियो ।
यस्तै, निर्धन उत्थान लघुवित्तको २९.५ प्रतिशत बोनस सेयरको मूल्य समोजन पनि नेप्सेले कम्पनीको सेयर मूल्य १ हजार २ सय रुपैयाँ ७७ पैसा तोकेको छ ।
सोमबार कम्पनीको अन्तिम कारोबार मूल्य १ हजार ५५५ रुपैयाँ रहेको थियो । नेप्सेले यसकै आधारमा मूल्य समायोजन गरेको हो ।
त्यसैगरि नेपाल हाइड्रो डेभलपर ७ प्रतिशत बोनस सेयरको मूल्य समायोजनपछि नेप्सेले कम्पनीको सेयर मूल्य ३६५ रुपैयाँ ४२ पैसा तोकेको छ । कम्पनीको अघिल्लो दिन अर्थात सोमबार ३९१ रुपैयाँमा अन्तिम कारोबार भएको थियो ।
वि.सं.२०७८ पुस १३ मंगलवार ०८:४३ मा प्रकाशित
