back
Mega Long Ad

विद्युतीय सवारीमा बढ्दो क्रेज: साढे २ अर्ब बढीको आयात, एक महिनामै ३३.६१ प्रतिशतले बढ्यो खपत

काठमाडौं । चालु आर्थिक वर्ष २०७८/७९ को पाँच महिनाको अवधिमा साढे २ अर्ब बढीको विद्युतीय सवारी आयात भएको छ ।

चालु आवको मंसिर महिनामा २ अर्ब ६७ करोड ९४ लाख रुपैयाँ बराबरको विद्युतीय सवारी आयात भएको हो । भन्सार विभागका अनुसार उक्त अवधिमा विभिन्न तौल क्षमताका ९१३ वटा विद्युतीय कार, जीप र भ्यान नेपाल भित्रिएको हो ।

नेपालमा पछिल्लो विद्युतीय सवारीको प्रयोग बढ्दो क्रममा रहेको छ । एक महिनाको अवधिमा मात्र (कात्तिक मसान्तदेखि मंसिर मसान्तसम्म) विद्युतीय कार, जीप र भ्यान आयात ६७ करोड ४१ लाख ४५ हजार रुपैयाँले बढेको छ । यो कात्तिक मसान्तको तुलनामा ३३.६१ प्रतिशतले बढी हो । कात्तिक मसान्तसम्ममा यस्ता विद्युतीय यातायातका साधन २ अर्ब ५२ लाख ५५ हजार रुपैयाँ बराबरको ६७३ वटा सवारी आयात भएको विभागले जनाएको छ ।

मंसिर मसान्तसम्म १ सय किलोवाटदेखि २ सय किलोवाटसम्मका विद्युतीय कार, जीप र भ्यान नेपाल भित्रिएको हो । यस्ता प्रकारका विद्युतीय सवारी आयातबाट सरकारले ७५ करोड ४१ लाख २६ हजार रुपैयाँ राजश्व प्राप्त गरेको छ । नेपालमा छिमेकी दुई मुलुक चीन, भारत, अमेरिका, फ्रान्स, कोरिया र जापान लगायतका देशबाट विद्युतीय सावरी साधान आयात हुने गरेको छ ।

उक्त अवधिमा सबैभन्दा बढी चीनबाट आयात भएको छ । उक्त देशबाट मंसिर मसान्तसम्ममा १ अर्ब ८७ करोड ८६ लाख ६० हजार रुपैयाँ बराबरको विद्युतीय सवारी आयात भएको हो । जसमध्ये १ अर्ब ७१ करोड ८७ लाख ६ हजार रुपैयाँ बराबरको ५६७ वटा (१५० किलोवाट भन्दा बढी र २ सय किलोबाट भन्दा कम तौल क्षमता भएको ) इलेक्ट्रिक कार, जीप र भ्यान रहेका छन् । उक्त अवधिमा चीनबाट १५ करोड ९९ लाख ५४ हजार रुपैयाँ बराबरको १ सय किलोवाट तौल क्षमता भएका ७० वटा इलेक्ट्रिक सवारी आयात भएको हो ।

विभागका अनुसार मंसिर मसान्तसम्ममा भारतबाट भने १८७ वटा विद्युतीय कार, जीप र भ्यान आयात भएको हो । भारतबाट १ सय किलोवाट तौल क्षमतासम्मका ४६ करोड ८२ लाख ३६ हजार रुपैयाँ बराबरको सवारी नेपाल भित्रिएको हो ।

यस्तै, मंसिर मसान्तमा २२ करोड २ लाख ४० हजार रुपैयाँ बराबरका विद्युतीय सवारी आयात भएको छ । विभागका अनुसार कोरियाबाट ६० वटा विद्युतीय कार, जीप र भ्यान आयात भएको हो । कोरियाबाट १७ करोड ७४ लाख ६१ हजार रुपैयाँ बराबरको ५० वटा (१ सय किलोवाट तौल क्षमता) र १५० देखि २ सय किलोवाट तौल क्षमता भएको ४ करोड २७ लाख ७९ हजार रुपैयाँ बराबरको सवारी आयात भएको विभागले जनाएको छ ।

त्यसैगरि चालु आवको मंसिर मसान्तसम्ममा जापानबाट १० करोड ८८ लाख २ हजार रुपैयाँ बराबरका २८ वटा (१५० देखि २ सय किलोवाट बढी तौल क्षमता) र फ्रान्सबाट ३४ लाख ६२ हजार रुपैयाँ बराबरको विद्युतीय सवारी आयात भएको हो ।

वि.सं.२०७८ पुस १५ बिहीवार १५:१६ मा प्रकाशित

You can share this post!

यसकारण सिभिल बैंकसँग मर्जहुन चाहन्छ हिमालयन बैंक

यसकारण सिभिल बैंकसँग मर्जहुन चाहन्छ हिमालयन बैंक

वि.सं.२०७८ माघ ६ बिहीवार १२:३८

काठमाडौं । हिमालयन बैंकले नेपाल इन्भेष्टमेन्ट बैंकसँग गर्ने भनिएको मर्जको...

नबिल बैंक सञ्चालक समितिका अध्यक्ष पौडेलले लिए सपथ ग्रहण

नबिल बैंक सञ्चालक समितिका अध्यक्ष पौडेलले लिए सपथ ग्रहण

वि.सं.२०७८ माघ ६ बिहीवार १२:००

काठमाडौँ । नबिल बैंकको संचालक समितिको अध्यक्षमा पुनः चयन भएका...

सांग्रिला विकास बैंकको मुनाफा ५८ प्रतिशतले बढ्यो, यस्ता छन् अन्य सूचकहरु

सांग्रिला विकास बैंकको मुनाफा ५८ प्रतिशतले बढ्यो, यस्ता छन् अन्य सूचकहरु

वि.सं.२०७८ माघ ६ बिहीवार ११:४२

काठमाडौं । सांग्रिला डेभलपमेन्ट बैंक लिमिटेडले चालु आर्थिक वर्षको दोस्रो...

फेरि बढ्यो पेट्रोलियम पद्धार्थको मूल्य, प्रतिलिटर कति पुग्यो ?

फेरि बढ्यो पेट्रोलियम पद्धार्थको मूल्य, प्रतिलिटर कति पुग्यो ?

वि.सं.२०७८ माघ ५ बुधवार २१:३६

काठमाडौं । नेपाल आयल निगमले पेट्रोलियम पद्धार्थको मूलय बढाएको छ...

यस्तो छ ग्लोबल आईएमई बैंकले निकालेको अत्यन्त जरुरी सूचना !

यस्तो छ ग्लोबल आईएमई बैंकले निकालेको अत्यन्त जरुरी सूचना !

वि.सं.२०७८ माघ ५ बुधवार १८:११

काठमाडौं । ग्लोबल आईएमई बैंकले आन्तिरिक सजावट (निर्माण) का कार्यका...

रा.वा. बैंकको ५७ औं वार्षिकोत्सवको अवसरमा रक्तदान कार्यक्रम सम्पन्न

रा.वा. बैंकको ५७ औं वार्षिकोत्सवको अवसरमा रक्तदान कार्यक्रम सम्पन्न

वि.सं.२०७८ माघ ५ बुधवार १७:२९

काठमाडौँ । राष्ट्रिय वाणिज्य बैंक लिमिटेडको ५७ औं वार्षिकोत्सवको अवसरमा...