काठमाडौं । नेपाली बजारमा टोयोटाको नयाँ कम्प्याक्ट ‘ए एसयूभी राइज’ भित्रिएको छ ।
नेपालका लागि टोयोटा गाडीको आधिकारिक वितरक युनाइटेड ट्रेडर्स सिन्डिकेटले उक्त गाडी नेपालमा सार्वजनिक गरेको हो ।
नेपाली बजारमा कम्याक्ट एसयूभी सेगमेन्टको बढ्दो मागसंगै उत्कृष्ट मोबिलिटी सोलुसनका रुपमा टोयोटा राइज लाइएको हो ।
टायोटा राइज नेपाली बजारमा १.२ लिटर म्यानुअल र अटोमेटिक, १ लिटर टर्बो म्यानुअल र अटोमेटिक गरी चार भेरिएन्टमा उपलब्ध हुनेछ ।
यो कार पावरफुल र निकै विशेषता भएको प्यासेन्जर मानिएको छ । कम्प्याक्ट एसयूभी सेगमेन्टको बढ्दो मागसँगै उत्कृष्ट मोबिलिटी सोलुसनको रुपमा राइज ल्याएको युनाइटेड ट्रेडर्सले जनाएको छ ।
यो गाडी २ सय एमएम ग्राउन्ड क्लियरेन्स, १७ इन्चको टायर, ४.९ मिटरको टर्निङ रेडियस, ३६९ लिटरको स्टोरेज क्षमता बुट स्पेस र फराकिलो सिटिङ लगायतका फिचर रहेको छ ।
यो १७ विभिन्न खालका स्टोरेज स्पेस रहेको छ भने इन्टरटेनमेन्टको लागि एप्पल कारप्ले र एन्ड्रोइड अटो सहितको ७ इन्चको डिस्प्ले दिइएको छ ।
यो गाडीमा रियरभ्यु क्यामेरा, अगाडि र पछाडि दुई–दुई वटा सोनार सेन्सर, एबीएस, भेइकल स्ट्याबिलिटी कन्ट्रोल, हिल असिस्ट कन्ट्रोल लगायतका अत्याधुनिक फिचरहरु रहेका छन् । यो पाँच सिट क्षमताको गाडी हो ।
नेपाली बजारमा यसको मूल्य ६६ लाख देखि ८६ लाख रुपैयाँसम्म निर्धारण भएको कम्पनीले जनाएको छ ।यो विभिन्न पाँच रङ्गमा उपलब्ध रहेको छ ।
वि.सं.२०७८ पुस १६ शुक्रवार १८:०७ मा प्रकाशित
