काठमाडौं । समृद्धि बचत तथा ऋण सहकारी संस्थाको १४औं वार्षिक साधारण सभा सम्पन्न भएको छ । शनिबार ललितपुरको इमाडोल बैक्वटमा सभा सम्पन्न भएको छ ।
सभाले गत आर्थिक वर्ष २०७७/७८ को मुनाफाबाट सेयरधनीलाई १० प्रतिशत बोनस सेयर दिने प्रस्ताव पारित गरेको छ ।
सभाले चालु आर्थिक वर्ष २०७८/७९ का लागि लेखापरीक्षकको रुपमा लामा एण्ड कम्पनीका जीतराम लामालाई नियुक्ति र पारिश्रमिक निर्धारण गरेको छ ।
सभामा महालक्ष्मी नगरपालिका–१ का नबिन कुमार न्यौपानेले सहकारीहरुले संचालकको लागि क्षमता अभिवृद्धि तालिम, अध्ययन अवलोकन भ्रमण लगायतका कार्यक्रम संचालन आवश्यक रहेको बताउनुभयो । हरेक सहकारीहरुले शिक्षा र सचेतनामा कम लगानी गरेको भन्दै उहाँले सेयर सदस्यहरुका लागि सीप मूलक सामूहिक उत्पादमुखी कार्यक्रम संचालन आवश्यक रहेको बताउनुभयो ।
“सहकारीमा लाग्नु भने सदस्यहरुको आर्थिक तथा सामाजिक विकास गर्नुहो, वडा अध्यक्ष न्यौपानेले भन्नुभयो– “सेयर सदस्यहरुको आवश्यकता सम्वोधन गर्ने गरि व्यवसाय संचालन गर्नुपर्दछ । ” राज्यको तिन खम्बे अर्थनीति मध्ये एक खम्बा सहकारी क्षेत्र रहेकोले राज्यको आर्थिक विकासमा टेवा पु¥याउने उद्देश्यका साथ संस्था अगाडि बढ्न्पर्नेमा उहाँले जोडदिनुभयो ।
सभामा संस्थाका अध्यक्ष अमर कुमार राईले आव २०७७/७८ को वार्षिक प्रगति प्रतिवेदन तथा आव २०७८/७९ का लागि नीति तथा कार्यक्रम, लक्ष्य बजेट प्रस्तुत गर्नु भएको थियो ।
संस्थाको सेयर पुँजी १ करोड ४२ हजार रुपैयाँ रहेको छ । सहकारीले दिगो विकासका लागि जगेडा कोष तर्फ १५ लाख ४६ हजार रुपैयाँ राखेको छ ।
संस्थाले २०७८ असार मसान्तसम्म २ करोड ९३ लाख ६९ हजार रुपैयाँ निक्षेप संकलन गरेको छ । संस्थाको आम्दानी तर्फ अघिल्लो आव २०७६/७७ को भन्दा केही कम हुन गई ४५ लाख ९८ हजार जरुपैयाँ कायम भएको छ ।
चालु आवमा भने ५० प्रतिशतले वृद्धि गर्ने लक्ष्य लिएको संस्थाका कोषाध्यक्ष खड्ग बहादुर तामाङ्ले बताउनुभयो । संस्थाको बचत परिचालन अघिल्लो आवको भन्दा ३९ प्रतिशतले वृद्धि भएको छ ।
गत अवामा ५ लाख ८४ हजार रुपैयाँ खुद नाफा गरेको संस्थाले चालु आवमा भने बढाएर ११ लाख ६९ हजार पुर्याउने लक्ष्य लिएको कोषाध्यक्ष तामाङ्ले बताउनुभयो । संस्थको जम्मा आम्दानी ७२ लाख ३४ हजार रुपैयाँ र खर्च ६६ लाख ७ हजार रुपैयाँ रहेको छ ।
संस्थाले यस वर्ष ४ करोड ८२ लाख ८१ हजार रुपैयाँ ऋण लगानी गरेको छ । यसलाई चालु आवमा बढाएर ९ करोड ६५ लाख ६३ हजारज रुपैयाँ पुर्याउने लक्ष्य लिएको छ ।
संस्थाले उच्च व्यवस्थापन, संस्थागत सुशासन र पारदर्सी लेखा प्रणालीको व्यवस्थामा जोड दिएको छ । सिमित स्रोत र साधानलाई उच्चतम उपयोग गर्दै मितव्ययिताको सिद्धान्त अनुरुप जनशक्ति तथा अन्य क्रियाकलापहरुलाई परिचालन गर्दै आएको र यसलाई वृद्धि गर्दै लैजाने संस्थाका सचिव राम कुमार लामाले बताउनुभयो ।
संस्थाले चुक्ता पुँजी वृद्धि गरि १ करोड ५० लाख पुर्याउने र १ लख सेयर पुँजी लगानी गर्ने सेयर सदस्य संख्या ५० जना पुयाउने लक्ष्य लिएको छ । यसका साथै निक्षेप भने शतप्रतिशत वृद्धि भएको संस्थाले जनाएको छ ।
संस्थाले चालु आवमा आधुनिक प्रविधिलाई अधिकतम सदुपयोग गर्दै सेवा प्रदान गर्ने, धितो निरिक्षण तथा मूल्याङ्कन, प्राविधिक, आन्तरिक लेखापरीक्षर कानूनी परामर्शदाताको व्यवस्था गर्ने लक्ष्य लिएको छ ।
आगामी दिनमा संस्थाले सदस्यता घरदैलो, सहकारी शिक्षा र वित्तीय साक्षरता कार्यक्रम संचालन, बचतकर्ताहरुलाई विभिन्न प्रकारको बीमा योजनासंग आवद्ध गराइने जनाएको छ ।
यसका साथै युवा स्वरोजगार कोष, राष्ट्रिय सहकारी बैंक र अन्य बैंक तथा वित्तीय संस्थाबाट सस्तो व्याजमा ऋण ल्याई सदस्यहरुलाई कर्जा प्रवाह गरिने संस्थाले जनाएको छ ।
वि.सं.२०७८ पुस १७ शनिवार १८:५२ मा प्रकाशित
