काठमाडौं । साताको पहिलो कारोबार दिन सेयर बजारमा उत्साह देखिएको छ । आइतबार बजार दोहोरो अंक अर्थात ६०.४१ अंकले वृद्धि भएको हो ।
२.३९ प्रतिशतले बजार वृद्धि भएको उक्त दिन परिसुचक २५८४.९१ अंकको बिन्दुमा पुगेर बन्द भएको छ । उक्त दिन ४ अर्ब १२ करोड रुपैयाँ बराबरको सेयर कारोबार भएको छ ।
आइतबार सबैभन्दा बढी हिमालयन डिष्टीलरीको ४४ करोड ९४ लाख २ हजार रुपैयाँ बराबरको सेयर कारोबार भएको छ । आज कम्पनीको १ लाख ५ हजार १९३ कित्ता सेयर खरिदबिक्री भएको हो । कम्पनीको सेयर मूल्य भने प्रतिकित्ता ४ हजार ३१८ रुपैयाँ कायम भएको छ ।
यस्तै, कारोबार रकमकै आधारमा दोस्रो स्थानमा रहेको नबिल बैंकको २९ करोड ७० हजार रुपैयाँ बराबरको सेयर खरिदबिक्री भएको छ । बैंकको आज २ लाख ६३ हजार ८४५ कित्ता सेयर किनबेच भएको हो । बैंकको सेयर मूल्य प्रतिकित्ता १ हजार १४४ रुपैयाँ कायम भएको छ ।
यस्तै, उक्त दिन शिवम् सिमेन्टको २३ करोड ४९ लाख ८१ हजार रुपैयाँको कारोबार भएको छ । कम्पनीको आज १ लाख ५५ हजार ४७७ कित्ता सेयर खरिदबिक्री भएको छ । कम्पनीको सेयर मूल्य भने १ हजार ५२६ रुपैयाँ पुगेको छ ।
त्यसैगरि नेपाल बंगलादेश बैंकको पनि १८ करोड ९२ लाख १५ हजार रुपैयाँ बराबरको सेयर कारोबार भएको छ । बैंकको आज ४ लाख ६५ हजार ७२७ कित्ता सेयर किनबेच भएको हो । बैंकको सेयर मूल्य प्रतिकित्ता ४०८ रुपैयाँ कायम भएको छ ।
यस्तै, अपि पावर १७ करोड ३७ लाख ४ हजार रुपैयाँ बराबरको सेयर कारोबार भएको छ । आज कम्पनीको ३ लाख ७७ हजार ९१८ कित्ता सेयर किनबेच भएको छ । कम्पनीको सेियर मूल्य भने ४६७ रुपैयाँ कायम भएको छ ।
वि.सं.२०७८ पुस १८ आइतवार १६:२३ मा प्रकाशित