काठमाडौँ। सूर्या लाइफका वरिष्ठ एजेन्सी म्यानेजर कमल घिमिरे एक घण्टामै मिलिनियर डोलर राउण्ड टेवल (एमडिआरटी) को लागि आवस्यक प्रथम बीमा शूल्कको तार्गेट पुरा गरेका छन् । म्यानेजर घिमिरेले सन् २०२३ को लागि सन् २०२२ को पहिलो पहिलो कारोबार दिनमा नै उक्त तार्गेट मिट गरेका हुन् ।
सन् २०२३ को एमडिआरटीका उपाधिको हकदार बन्नका लागि सन् २०२२ भित्रमा टार्गेट पुरा गरिसक्नु पर्छ, तर उनले पहिलो कारोबार दिनको पहिलो घण्टामा नै पुरा गरेका हुन् ।
उनले पहिलो दिनमै ३८ लाख भन्दा बढी प्रबिसको व्यवसाय ल्याएको कम्पनीका प्रमुख कार्यकारी अधिकृत पवन कुमार खड्काले बताए ।
सिईओ खड्काले नेपालको बीमा क्षेत्रमा यो पहिलो रेकर्ड रहेको बताए । उनले भने “कमल जीले कारोबार सुरु भएको पहिलो एक घण्टामा नै ३८ लाख बढीको व्यावसाय लिनुभएको छ, यो अहिलेको एमडिआटीको लागि प्रयाप्त प्रविश हो । टिओटीमा सफल मनोनयनको लागि समेत शुभकामना व्यक्त गर्न चाहन्छु ।’
वि.सं.२०७८ पुस १८ आइतवार १७:२७ मा प्रकाशित