काठमाडौं । साताको दोस्रो कारोबार दिन सुनको मूल्यमा गिरावट आएको छ । सोमबार नेपाली बजारमा छापावाला सुनको मूल्य ३ सय रुपैयाँले घटेको हो ।
अघिल्लो दिन ९३ हजार ४ सय रुपैयाँमा कारोबार भएको छापावाला सुन आज भने घटेर ९३ हजार १ सय रुपैयाँ कायम भएको छ ।
नेपाल सुनचाँदी व्यवसायी महासंघले आजका लागि तेजावी सुनको मूल्य ९२ हजार ६ सय रुपैयाँ निर्धारण गरेको छ । अघिल्लो दिन भने ९२ हजार ९ सय रुपैयाँमा कारोबार भएको थियो ।
यस्तै, उक्त दिन चाँदीको मूल्यमा पनि गिरावट आएको छ । आज चाँदी प्रतितोला ५ रुपैयाँले घटेर १ हजार २६५ रुपैयाँ कायम भएको छ । अघिल्लो दिन चाँदी १ हजार २७० रुपैयाँमा खरिदबिक्री भएको महासंघले जनाएको छ ।
वि.सं.२०७८ पुस १९ सोमवार ११:०६ मा प्रकाशित