नयाँ पुस्तालाई लक्षित गरी सिद्धार्थ बैंकमा छुटै किसिमको नयाँ बचत खाता सञ्चालनमा रहेको छ ।
जेन जेड बचत खाता यस्तो किसिमको योजना हो, जुन खातामा सन् १९९५ अर्थात(वि.सं.२०५१) साल वा यसपछि जन्मिएका व्यक्तिहरू विशेष लाभान्वित हुनेछन् ।
ग्राहकलक्षित समय सुहाउदो विभिन्न योजनाहरु समय समयमा सार्वजनिक गर्दै आम ग्राहकहरुसँगको सम्बन्धलाई प्रगाढ बनाउन सफल बैंक पुर्ण रुपमा प्रविधि मैत्री बैंक हो ।
नयाँ पुस्तालाई लक्षित गरी ल्याइएको यस बचत खाता यस पुस्ताको लागि एक उपहारस्वरुप रहनेछ भने सार्वजनिक गरिएको यस खातालाई बैंकले नयाँ जेनेरेशनको ‘नयाँ जेन–जेड’ नाम दिएको छ ।
यसबाट यो कुरा बैंकले पुष्टि गर्न चाहेको छ कि २१ औं शताब्दिको अहिलेको समयमा बैंकिङ पहुँच सर्वव्यापी हुनु जरुरी छ ।
समयको परिवर्तन एवं मानिसको बैकिङ्ग क्षेत्रसँगको पहुँचको विकाससँगै वित्तीय साक्षरता पनि उत्तिकै महत्वपूर्ण हुन्छ ।
सरकारले प्रत्येक नागरिक समक्ष बैंकिङ पहुँच पु¥याउने उद्देश्यका साथ ‘खोलौं बैंक खाता’ अभियान सञ्चालन गरिरहेको अहिलेको समयमा नयाँ उमेर समूहका लागि लक्षित गर्दै बैंकले यो योजना सञ्चालनमा ल्याएको हो ।
‘नयाँ जेन–जेड’ बचत खाता अन्तर्गत बचत गर्ने ग्राहकले विभिन्न आकर्षक अफरहरू समेत पाउनेछन् । प्रबिधिले धानेको अहिलेको समय ‘डिजिटल’ समय हो । व्यस्त समयको सारथीका रूपमा बैंकले डिजिटल सेवा सुविधालाई नयाँ पुस्तामा समेत प्रदान गरेको छ ।
तपाईंको बचतमा अब सिद्धार्थ बैंकले दिन्छ आकर्षक ब्याजदर :
नयाँ पुस्तालाई लक्षित गर्दै बैंकले यस बचतमा आकर्षक ब्याजदरको अवसर दिएको छ । नयाँ जेनेरेसनको ‘जेन–जेड’ बचत योजनामा हाललाई बैंकले ५.०५ प्रतिशत ब्याजदर लागू गरेको छ ।
बैंकले समय परिस्थिती अनुसार मूल्यांकन गर्दैै यस ब्याजदरलाई आवश्यकता अनुसार परिमार्जन गर्न सक्नेछ । बैंकले निशुल्क रूपमा अनलाइन खाता खोल्न सकिने व्यवस्था समेत गरेको छ ।
अन्य सुविधाहरू अझै आर्कषक :
तपाईंलाई लाग्न सक्छ कि सिद्धार्थ बैंकको यस योजनामा सहभागी हुँदा के कस्ता सुविधाहरू पाउन सकिन्छ ? नयाँ पुस्तालाई बैंकिङ क्षेत्रमा प्रोत्साहन तथा सहभागी गराउनका लागि बैंकले विभिन्न विशेषता तथा सुविधाहरू यस योजनामा समाविष्ट गरेको छ ।
बैंकले यस योजनामा सहभागी हुने ग्राहकहरूलाई २ वर्षसम्म डेविट कार्ड निशुल्क उपलब्ध गराउने छ । यस्तै खाता खोलेको पहिलो एक वर्षसम्मका लागि बैंकले क्रेडिट कार्डको निशुल्क व्यवस्था गरेको छ ।
पछिल्लो समय डिजिटल समय हो । विश्वका अधिकांश मुलुकसँगै नेपालमा पनि कोरोना भाइरस (कोभिड–१९)को महामारी पश्चात इन्टरनेट प्रयोगले सुचना प्रबिधिमा ठुलो फड्कोे मारेको छ ।
महामारीको समयमा अनावश्यक भिडभाड हुन नदिन तथा ग्राहकको स्वास्थ्य एवं सहजताका लागि यस बचत खातामा बैंकले इन्टरनेट बैंकिङ तथा स्मार्ट/मोबाइल बैंकिङ २/२ वर्षसम्मका लागि निशुल्क उपलब्ध गराउने छ । यस योजनामा सहभागी ग्राहकहरूको लागि यो अर्को महत्वपुर्ण सुविधा हो ।
सेयर बजारमा निशुल्क प्रवेश :
पछिल्लो समय सेयर बजारमा लगानी सहज एवम् सरल माध्यम बन्दै गएको छ । सेयर बजारमा ग्राहकहरूको उपस्थितीका लागि बैंकले विशेष सुुविधा ल्याएको छ ।
उक्त योजनामा सहभागी हुने ग्राहकहरूले सेयर बजारमा प्रवेश गर्नका लागि आवश्यक डिम्याट खाता, मेरो सेयर सेवा २ वर्षसम्मका लागि बैंकले निशुल्क उपलब्ध गराउनेछ । अर्थात ग्राहकहरूले उक्त सेवा लिनका लागि २ वर्षसम्म कुनै शुल्क लाग्ने छैन ।
उक्त योजनामा सहभागी ग्राहकहरूका लागि बैंक स्मार्टमा आईपीओ/एफपीओ/हकप्रद सेयर, म्युचल फण्ड अलर्ट, भाइबर बैंकिङ, एबीबीएस, खाताको स्टेटमेन्ट, ई–कमर्स कारोबार (नेपाल भित्रको लागि मात्र) कनेक्ट आइपीएस दर्ता लगायतको सुविधा रहेको छ ।
यसका साथसाथै ग्राहकहरूले उक्त बचत खातामा डिमाण्ड ड्राफ्ट जारी शुल्कमा ५० प्रतिशत छुटको व्यवस्था गरेको छ ।
यस्तै शैक्षिक कर्जाको प्रशासनिक शुल्कमा ०.२५ प्रतिशत छुट र सिद्धार्थ बैंक स्मार्ट एपमार्फत पहिलो रिचार्ज गर्दा ५ प्रतिशतसम्मको छुट सुविधा पाउनेछन् ।
५ लाखसम्मको दुर्घटना बीमा :
बैंकले उक्त बचत खाता योजनामा सहभागी ग्राहकहरूको बीमाको समेत सुविधा दिएको छ ।
उक्त योजनामा सहभागी ग्राहकहरूले ५ लाख रुपैयाँसम्मको पूर्ण शारीरिक अशक्तता र दुर्घटना मृत्यु बीमा सुविधा पाउनेछन् ।
बीमा सुविधा लाभ प्राप्त गर्नका लागि भने ग्राहकले आफूले खोलेको जेन–जेड खातामा न्यूनतम मौज्दात १० हजार रुपैयाँ कायम हुन जरुरी छ ।
वि.सं.२०७८ पुस २० मंगलवार ०८:५७ मा प्रकाशित
