काठमाडौं । सांग्रिला डेभलपमेन्ट बैंकले संस्थापक सेयर बिक्री गर्ने भएको छ ।
बैंकले संस्थापक सेयरधनी कुमार मल्लको नाममा रहेको १० हजार ५ सय कित्ता संस्थापक सेयर बिक्री गर्न लागेको हो । उक्त सेयरको बिक्री मूल्य भने उल्लेख छैन ।
उक्त सेयर खरिद गर्न इच्छुक योग्य बैंकका संस्थापक सेयरधनीहरुले आवेदन दिन सक्नेछन् । उक्त सेयर खरिदका लागि संस्थापक सेयरधनीहरुले आजैका मितिले ३५ दिनभित्र आवेदन दिनुपर्नेछ ।
संस्थापक सेयरधनीहरुले आवश्यक कागज प्रमाण संलग्न गरि बैंकको केन्द्रीय कार्यालय बालुवाटरमा के कति कित्ता सेयर लिने हो व्यहोरा खुलाई निवेदन पेश गर्नुपर्ने सूचनामा उल्लेख छ ।
तोकिएको म्यादभित्र संस्थापक सेयरधनीहरुको आवेदन नपरेको खण्डमा प्रचलित कानून बमोजिम अन्य व्यक्तिलाई बिक्री गर्ने आवश्यक कारबाही अघि बढाईने बैंकले जनाएको छ ।
वि.सं.२०७८ पुस २० मंगलवार ११:२४ मा प्रकाशित
