रौतहट । रिलायबल नेपाल लाइफ इन्स्योरेन्स कम्पनी चन्द्रपुर शाखाले मृत्यु दाबी रकम भुक्तानी गरेको छ । कम्पनिले गत असोज १६ गते दुर्घटनामा परि मृत्यु भएका चन्द्रपुर नगरपालिका वडा नं २ असन्वा निवासी सोनालाल चौधरीकोे परिवारलाई मृत्युदाबी रकम भुक्तानी गरेको हो ।
भुक्तानी बापतको रकम चन्द्रपुर शाखाले सामुदायिक बिकास बचत तथा ऋण सहकारी संस्थाको ११ औं बार्षिक साधारण सभा कार्यक्रमको अबसरमा मृतककी श्रीमती कान्ति कुमारी चौधरीलाइ १० लाख ५६ हजार २५० रुपैयाँको चेक नगरपालिकाको उप प्रमुख रामरति चौधरीको हातबाट हस्तान्तरण गरिएको थियो ।
मृतक सोनालाल चौधरी प्रस्तावक रही छोरी अन्नया चौधरीको रु ५ लाखको अर्को बिमा रहेको र सोनालालको मृत्यु भईसकेकाले छारीको बिमाशुल्क छुट सुविधा र १६ वर्ष उमेर नपुगेसम्म मासिक ५ हजारका दरले (१३ बर्ष सम्म) पाउने रिलायबल नेपाल लाइफ इन्स्योरेन्स कम्पनी चन्द्रपुर शाखाका प्रमुख ओम प्रसाद खतिवडाले बताए ।
कार्यक्रममा बोल्दै खतिवडाले परिवारको आर्थिक सुरक्षाको लागि हरेक व्यक्तिले जिवन बिमा गर्न आवश्यक रहेको बताए ।
उक्त कार्यक्रममा रिलायबल नेपाल लाइफ इन्स्योरेन्स कम्पनी निजगढ शाखाका प्रमुख प्रकाश लामिछाने, सामुदायिक बिकास बचत तथा ऋण सहकारीका अध्यक्ष जितेन्द्र चौधरी, व्यवश्थापक विनय चौधरीको विशिष्ट अतिथ्यता रहेको थियो । कार्यक्रममा मृतकका परिवार आफन्त स्थानिय संचारकर्मी कम्पनीका पदाधिकारी लगाएत करिब २५० जनाको उपस्थिती रहेको थियो ।
वि.सं.२०७८ पुस २५ आइतवार ११:३४ मा प्रकाशित
