काठमाडौ । नेपाल राष्ट्र बैंकका गभर्नर महाप्रसाद अधिकारीले आन्तरिक ऋण उठाए बैकिङ प्रणालीमा थप समस्या उत्पन्न हुने बताएका छन् । लेखा समितिको बैठकमा आइतबार बोल्दै तरलताको समस्याका कारण बैकिङ प्रणालीमा समस्या भइरहेको बताउँदै आन्तरिक ऋण पनि उठाउने हो भने थप समस्या उत्पन्न हुने बताएका हुन् ।
‘चालु आर्थिक बर्षमा हामीले ६ अर्ब रुपैयाँ आन्तरिक ऋण उठाइसकेका छौ, बाँकी २ अर्ब ४४ करोड करोड रुपैयाँ पनि उठाउने हो भने तरलतामा झन् दवाव पर्छ, त्यसैले तत्काल ऋण लिने समय उपयुक्त होइन।’ उनले भने ।
चालु आर्थिक बर्षको लागि सरकारले साढे २ अर्ब रुपैयाँ आन्तरिक ऋण लिने लक्ष्य राखेको छ । त्यस्तै उनले चालु आर्थिक बर्षमा मुल्यबृद्धि हुने पनि बताए । तरलतामा देखिएको समस्यासँगै, अन्तराष्ट्रिय मुल्यबृद्धिका कारण नेपालमा पनि मुल्यबृद्धि हुनेमा कुनै शंका नरहेको उनको स्पष्टीकरण थियो ।
सरकारले चालु आर्थिक बर्षको लागि साढे ६ प्रतिशतको मुल्यबृद्धिको लक्ष्य राखेको छ ।
वि.सं.२०७८ पुस २५ आइतवार १३:४१ मा प्रकाशित