काठमाडौ । तरलताको समस्याले जकडिएको बैकिङ क्षेत्रले पछिल्लो समयमा राहत महसुस गरिरहेको छ । पुस २३ गतेसम्ममा बाणिज्य बैंकमा मात्र ७८ अर्ब रुपैयाँ निक्षेप आएको छ ।
जुन चालु आर्थिक बर्षकै सवैभन्दा धेरै हो । चालु आर्थिक बर्ष लागेसँगै बैकिङ क्षेत्र तरलताको अभाव झेलिरहेको थियो । तर पुँजीगत खर्चमा भएको बृद्धि, रेमिट्यान्स आप्रवाहमा भएको बृद्धिसँगै बजारमा तरलता आउन थालेको हो ।
नेपाल बैंकर्स संघका अनुसार गत हप्ता मात्र बाणिज्य बैंकहरुमा ५९ अर्ब रुपैयाँ निक्षेप थपिएको छ । सहकारी सरह बैंकहरुले निक्षेपमा व्याज दिन थालेपछि सहकारी क्षेत्रको रकम पनि बैंकहरुमा आएकोले बैंकहरुको निक्षेप बढेको सहकारीहरुको आरोप रहेको छ ।
यो अवधिमा बाणिज्य बैंकहरुले २४ अर्ब रुपैयाँ मात्र कर्जा प्रबाह गरेका छन् । तरलता अभावका कारण बैंकहरुले पछिल्लो समयमा नयाँ कर्जा प्रबाहमा रोक लगाएका थिए ।
गत हप्ता मात्र बाणिज्य बैंकहरुले ८ अर्ब रुपैयाँ मात्र कर्जा प्रबाह गरेका छन् जुन कर्जाको तुलनामा ६३७.५ प्रतिशतले बृद्धि भएको बैंकर्स संघको तथ्यांकले देखाएको छ ।
वि.सं.२०७८ पुस २६ सोमवार १४:३२ मा प्रकाशित
