काठमाडौं । साताको दोस्रो कारोबार दिन पनि सेयर बजार दोहोरो अंकले वृद्धि भएको छ । उक्त दिन बजार १९.४३ अंकले वृद्धि भएको छ ।
सोमबार बजार परिसुचक २७८४.९५ अंकको बिन्दुमा पुगेर बन्द भएको छ । उक्त दिन ७ अर्ब १२ करोड ३४ लाख २४ हजार रुपैयाँ बराबरको सेयर कारोबार भएको छ ।
उक्त दिन बैंकिङ समूह १५.२८ अंक, होटेल तथा पर्यटन ३७.७१ र उत्पादक तथा प्रशोधन समूह ४७.७८ अंकले घटेको छ । यी बाहेक सबै समूह हरियाली बनेका छन् ।
उक्त दिन गोर्खाज फाइनान्स सर्वाधिक कारोबार भएको छ । आज फाइनान्सको २२ करोड ७७ लाख ४० हजार रुपैयाँ बराबरको सेयर कारोबार भएको छ ।
सोमबार नेपाल दुरसञ्चार कम्पनी(एनटीसी) सर्वाधिक कारोबार गर्ने कम्पनीहरुको दोस्रो स्थानमा रहेको छ । आज कम्पनीको २१ करोड ८२ लाख ८४ हजार रुपैयाँ बराबरको सेयर खरिदबिक्री भएको हो ।
यस्तै, उक्त दिन एचआईडीसीएलको २१ करोड ३ लाख ७४ हजार रुपैयाँ बराबरको सेयर खरिदबिक्री भएको छ ।
वि.सं.२०७८ पुस २६ सोमवार १५:१६ मा प्रकाशित