काठमाडौं । एभरेष्ट बैंकले मोटरसाइकल बिक्री गर्ने भएको छ । बैंकले तीन वटा शाखामा रहेको छुट्टाछुट्टै मोडेलको मोटरसाइकल बिक्री गर्न लागेको हो ।
एक सूचना निकाल्दै बैंकले यामाहा एसएस १२५ मोडेलका २ वटा र होण्डा युनिकमको १ वटा गरि तीन मोटरसाइकल बिक्री गर्न लागेको जनाएको छ ।
बैंकले स्याङ्जा, चन्द्रौटा र प्रधान कार्यालयमा रहेको उक्त मोटरसाइकल बिक्री गर्न लागेको हो ।
उक्त स्थानका मोटरसाइकलहरु खरिद गर्न इच्छुक व्यक्ति तथा संस्थाहरुले आजैका मितिले ७ दिनभित्र बैंकको केन्द्रीय कार्यालयको सामान्य प्रशासन विभागमा आईपुग्ने गरि शिलबन्दी पेश गर्न सक्नेछन् ।
शिलबन्दी पेश गर्दा कुन मोटरसाइकल के कति मूल्यमा खरिद गर्ने हो रकम अंक र अक्षरमा स्पष्ट किटानी गरि माघ ३ गते सोमबार कार्यलय सयमभित्र बोलपत्र पेश गर्नुपर्नेछ ।
यसका साथै आफूले कबोल गरेको रकमको १० प्रतिशतले हुन आउने रकम बराबरको उकाउन्टपेयी चेक/ड्राफ्ट बैंकको नाममा खिचि धरौटी स्वरुप बोलपत्रको साथमा शिलबन्दी खाम भित्रै संलग्न गर्नुपर्नेछ ।
अन्य विस्तृतका लागि हेर्नुहोस्, सूचना :
वि.सं.२०७८ पुस २७ मंगलवार १०:१४ मा प्रकाशित