काठमाडौं । प्रोग्रेशिभ फाइनान्स कम्पनीले लभांश दर परिमार्जन गरेको छ । कम्पनीको पुस २८ गते बसेको सञ्चालक समितिको बैठकले लाभांश परिर्माजन गर्ने निर्णय गरेको हो ।
कम्पनीको आर्थिक वर्ष २०७७/७८ को स्वीकृत अन्तिम लेखापरीक्षण प्रतिवेदनमा कर सम्बन्धी व्यवस्थामा फेरबदल हुने भएकाले स्वीकृत वित्तीय विवरणमा समेत सारभुत असर पर्ने देखिएकाले वित्तीय विवरण पारिमार्जित गरी पुनः पारित गर्ने भएकाले लाभांश दर परिमार्जन भएको हो ।
कम्पनीले ७ प्रतिशत बोनस सेयर र ०.३६८४ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको थियो । उक्त लाभांश परिमार्जन गरी ६ प्रतिशत बोनस सेयर र कर प्रयोजनका लागि ०.३१५७ प्रतिशत नगद लाभांश वितरण गर्ने प्रस्ताव गरेको हो ।
उक्त प्रस्ताव नेपाल राष्ट्र बैंकबाट स्वीकृति पाएपछि र कम्पनीको आगामी साधारण सभाले पारित गरेपश्चात वितरण हुनेछ ।
वि.सं.२०७८ पुस २८ बुधवार १४:०६ मा प्रकाशित
