काठमाडौं । नेपाल बंगलादेश बैंकको सर्वाधिक सेयर कारोबार भएको छ । बुधवार बैंकको साढे २८ करोड बढीको सेयर कारोबार भएको छ ।
नेपाल स्टक एक्सेञ्ज(नेप्से)का अनुसार आज बैंकको २८ करोड ६९ लाख ९९ हजार रुपैयाँ बराबरको सेयर कारोबार भएको हो ।
साताको चौथो कारोबार दिन बैंकको ७ लाख २१ हजार ५५ कित्ता सेयर किनबेच भएको नेप्सेले जनाएको छ ।
उक्त दिन बैंकको सेयर मूल्य पनि २.७० प्रतिशतले वृद्धि भएको छ । बैंकको सेयर मूल्य प्रतिकित्ता १० रुपैयाँ ५० पैसाले वृद्धि भई ४ सय रुपैयाँ कायम भएको छ ।
वि.सं.२०७८ पुस २८ बुधवार १५:४१ मा प्रकाशित
