काठमाडौँ । खल्ति एपबाट यती एयरलाइन्सको फ्लाइट बुकिङ गर्दा साढे चार सय रुपैयाँ र्फिता पाईने भएको छ । ग्राहकहरुलाई डिजिटल भुक्तानी गर्न प्रोत्साहित गर्ने र फ्लाइट बुकिङलाई सहज बनाउन यो सेवा लिईएको खल्तिले जनाएको छ ।
फ्लाइट बुकिङ्गमा पाईने यो छुट दुई चरणमा प्राप्त हुनेछ । बुकिङ गर्दाको बिल रकममा रु. १५० घट्नेछ भने बाँकि रहेको रु.३०० ‘खल्ती’ वालेट मा क्यासब्याक स्वरूप प्राप्त हुनेछ । यो अफर जनवरी १३ , २०२१ देखि फेब्रुअरी १५, २०२२ सम्म मान्य हुनेछ ।
फ्लाइट बुकिङमा तत्काल क्यासब्याक प्राप्त गर्न प्रयोगकर्ताहरूले निम्न चरणहरू पालना गर्नुपर्नेछः
१) यती एयरलाइन्सको एप डाउनलोड गरी रेजिस्टर गर्नुपर्ने छ
२) प्रस्थान गर्ने स्थान (Origin ), गन्तब्य(Destination, ), समय (Departure date ), राष्ट्रियता(Nationality ), यात्रु संख्या (Number of adults/children) छनोट गर्ने
२) आफुलाई चाहिने टिकट छनौट गरेर “निरन्तरता (“Continue” )” मा ट्याप गर्ने ।
३) सम्पूर्ण विवरण भर्नुहोस् र “नेक्स्ट (“Next” )” मा ट्याप गर्ने
४) खल्ति छनौट गरी भुक्तानी गर्ने ।
फ्लाइट टिकट बुक भइ प्रयोगकर्ताहरूले आफ्नो खल्ती आईडीमा तत्काल क्यासब्याक पाउनेछन् ।
यस अफरको बारेमा बोल्दै खल्तीका प्रमुख कार्यकारी अधिकृत विनय खड्काले भने, “यती एयरलाइन्ससँग मिलेर काम गरी प्रयोगकर्ताहरूका लागि फ्लाइट बुकिंग र डिजिटल भुक्तानीमा सजिलो सुविधा र पहुँच पुर्याउन पाउँदा हामी धेरै उत्साहित छौं।”
त्यसैगरी, यति एयरलाइन्सका प्रमुख व्यापार अधिकृत युवराज विष्टले भने, “हामी खल्तीसँग सहकार्य गर्न पाउँदा र प्रयोगकर्ताहरूलाई सहज फ्लाइट बुकिङको अनुभव प्रदान गर्न पाउँदा उत्शाहित छौं ।”
वि.सं.२०७८ पुस २९ बिहीवार १५:१२ मा प्रकाशित
