काठमाडौं । नबिल र नेपाल बंगलादेश बैंकबीच बिग मर्जरको सम्झौता सम्पन्न भएको छ । दुवै बैंकहमरुबीच आज ललितपुरस्थित होटल भिभान्ता काठमाडौंमा उक्त सम्झौता सम्पन्न भएको हो ।
सम्झौतापत्रमा नबील बैंकको तर्फबाट उदय कृष्ण उपाध्यायले हस्ताक्षर गरेका छन् भने एबिएको इन्द्रबहादुर थापाले हस्ताक्षर गरेका हुन् ।
दुवै बैंकले संयुक्त मर्जर र एक्विजिसन सम्बन्धी समिति गठन गरी सोही समितिको सिफरिसमा आजै बसेको दुवै बैंकको सञ्चालक समितिको बैठकले उक्त सम्झौता सर्वसम्मतिले पारित गरेपछि आजै सम्झौता भएको नबिल बैंकका अध्यक्ष उपेन्द्र प्रशाद पौडेलले बताए ।
यद्यपी नबिल बैंकको उक्त कमिटीमा बैंकको तर्फबाट सञ्चालक उदय कृष्ण उपाध्यायको संयोजकत्वमा आशा राणा अधिकारी तथा सञ्चालक अनन्त पौड्याल सदस्य थिए ।
त्यस्तै यता, नेपाल बङ्गलादेश बैंकको तर्फबाट सञ्चालक मोहम्मद शाल आलम सरवर, सञ्चालक इन्द्र बहादुर थापाको , सञ्चालक अमन शाह र सदस्य सचिवमा नबिल बैंकका प्रमुख वित्त अधिकृत मनोज ज्ञवाली रहने गरी संयुक्त मर्जर र एक्विजिसन कमिटि तय भएको थियो ।
सम्झौता अनुसार नबिलले एनबीलाई १००ः४३ को स्वाप रेसियोमा एक्वायर गर्न लागेको छ । अर्थात एनबीको सय कित्ता बराबर नबिलको ४३ कित्ता हुनेछ ।
बैंकहरुले प्राप्ति कार्य पाँच महिना भित्र सम्पन्न गर्नेछन् । साथै नबिल प्राप्ति पछि नबिल बैंकहरुमध्येकै सबैभन्दा अब्बल बैंक बन्ने छ । यद्यपी नबिल मर्जरमा नजाँदै पनि अधिंकाशं सुचकमा अब्बल बैंक हो ।
अब एनबीलाई प्राप्ति पश्चात बैंकको प्राथमिक पुँजी ४३ अरब, चुक्ता पुँजी २२.५ अर्ब, कर्जा रकम ३०० अर्ब, निक्षेप रकम ३१४ हुनेछ ।
त्यस्तै गैरकोषमा आधारित व्यवसायको आकार १३० अरब माथि र शाखा संजाल तत्कालै २३५ पुग्नेछन । यता ग्राहक संख्या १६ लाख माथी हुनेछन् ।
वि.सं.२०७८ पुस २९ बिहीवार २२:२५ मा प्रकाशित
