काठमाडौं । माघ महिनाको पहिलो कारोबार दिन सुनको मूल्यमा गिरावट आएको छ । आज नेपाली बजारमा छापावाला सुनको मूल्य प्रतितोला ३ सय रुपैयाँले घटेको हो ।
पुस मसान्त अर्थात अघिल्लो कारोबार दिन ९२ हजार ७ सय रुपैयाँमा खरिदिबिक्री भएको सुन आज घटेर ९२ हजार ४ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य भने ९१ हजार ९ सय रुपैयाँ कायम भएको छ । शुक्रबार भने ९२ हजार २ सय रुपैयाँमा कारोबार भएको थियो ।
यस्तै, साताको पहिलो कारोबार दिन अर्थात आइतबार चाँदीको मूल्य पनि प्रतितोला १० रुपैयाँले घटेको छ ।
अघिल्लो दिन १ हजार २६० रुपैयाँमा कारोबार भएको चाँद िआज घटेर १ हजार २५० रुपैयाँ कायम भएको हो ।
वि.सं.२०७८ माघ २ आइतवार १२:२७ मा प्रकाशित