काठमाडौँ । साताको पहिलो कारोबार दिन आज सेयर बजारमा कारोबार खुलेदेखि नै रौनकता छाएको छ । बजार यतिबेला ७८ अंकले बढेर २९३५ को बिन्दूमा पुगेको छ ।
यता कारोबार रकम पनि उत्तिकै उत्साहपूर्व बढेको देखिन्छ । अहिलेसम्म आइपुग्दा साढे पाँच अर्बको कारोबार भईसकेको छ । यो १ बजेको अपडेट हो, कारोबार समय अझै २ घण्टा बाँकी नै छ ।
यता मध्येभोटेकोशिको सेयरमूल्यमा सकरात्मक सर्किट लागिसकेको छ । कम्पनीको सेयर मूल्य सर्किट लेवल अर्थात ३७ अंकले बढेको छ । यो सँगै कम्पनीको सेयर मूल्य ४ सय १७ रुपैयाँ कायम भएको छ । त्यसैगरी सिन्धु विकास बैंकको सेयर मूल्य पनि सर्किटको नजिक पुगीसकेको छ । समाचार तय पार्दासम्म सिन्धुको सेयर मूल्य ९.३० प्रतिशतले बढीसकेको छ ।
हिमालय डिस्टीलरीको सेयर मूल्य पनि उस्तै गरि आक्रमक रुपमै बढेको छ ।
अहिलेसम्म बजारमा २२४ स्क्रिप्टको कारोबार भएको छ ।
वि.सं.२०७८ माघ २ आइतवार १३:१७ मा प्रकाशित