काठमाडौ । सरकारले माघ १५ गतेसम्म मनोरञ्जन क्षेत्र बन्द गर्ने निर्णय गरेको छ । कोभिड–१९ को संक्रमण बढ्दै गएको भन्दै सरकारले जिम र सिनेमा हल बन्द गर्ने निर्णय गरेको सरकारका प्रवक्ता तथा सञ्चारमन्त्री ज्ञानेन्द्रबहादुर कार्कीले जानकारी दिए ।
शुक्रबार बसेको मन्त्रिपरिषद् बैठकले सार्वजनिक स्थलमा भीडभाड कम गर्न मनोरञ्जन क्षेत्रलाई माघ १५ गतेसम्म बन्द गर्ने निर्णय थियो । सरकारले यसअघि नै शैक्षिक संस्था बन्द गरिसकेको छ भने सार्वजनिक स्थानमा २५ जना भन्दा बढीलाई भेला हुन रोक लगाएको छ । त्यस्तै राजनीतिक भेला, महोत्सव र सम्मेलनहरुमा पनि प्रतिबन्ध लगाएको छ ।
वि.सं.२०७८ माघ २ आइतवार १६:३५ मा प्रकाशित
