काठमाडौं । साताको दोस्रो कारोबार दिन सुनको मूल्य वृद्धि भएको छ । सोमबार नेपाली बजारमा छापावाला सुनको मूल्य प्रतितोला १ सय रुपैयाँले वृद्धि भएको हो ।
अघिल्लो दिन अर्थात आइतबार ९२ हजार ४ सय रुपैयाँमा कारोबार भएको सुन आज बढेको हो । नेपाल सुनचाँदी व्यवसायी महासंघका अनुसार आजका लागि छापावाला सुनको भाउ ९२ हजार ५ सय रुपैयाँ तोकिएको छ ।
महासंघका अनुसार आज तेजावी सुन भने नेपाली बजारमा ९२ हजार रुपैयाँमा कारोबार हुनेछ । अघिल्लो दिन प्रतिोला ९१ हजार ९ सय रुपैयाँमा खरिदबिक्री भएको थियो ।
यस्तै आज चाँदीको मूल्य पनि प्रतितोला ५ रुपैयाँले वृद्धि भई १ हजार २५५ रुपैयाँ कायम भएको छ । आइतबार चाँदी १ हजार २५० रुपैयाँमा कारोबार भएको महासंघले जनाएको छ ।
वि.सं.२०७८ माघ ३ सोमवार ११:३२ मा प्रकाशित