काठमाडौं । आइतबार थप दुई कम्पनीले लाभांश घोषणा गरेका छन् । आज नेको इन्स्योरेन्स र किसान लघुवित्त वित्तीय संस्थाले लाभांश घोषणा गरेका हुन् ।
जसमध्ये नेको इन्स्योरेन्सले गत आर्थिक वर्ष २०७७/७८ को मुनाफाबाट १५.७९ प्रतिशत लाभांश वितरणको प्रस्ताव गरेको छ ।
कम्पनीको माघ ३ गते विहान बसेको सञ्चालक समितिको बैठकले गत वर्षको मुनाफाबाट हाल कायम चुक्तापूँजीको आधारमा १५ प्रतिशत बोनस सेयर र कर प्रयोजनका लागि ०.७९ प्रतिशत नगद लाभांश वितरणको प्रस्ताव गरेको हो ।
उक्त प्रस्तावित लाभांश बीमा समितिबाट स्वीकृति प्राप्त भई कम्पनीको आगामी वार्षिक साधारण सभाले पारित गरेपछि वितरण हुनेछ ।
यस्तै, किसानले लघुवित्त वित्तीय संस्थाले लाभांश वितरणको प्रस्ताव गरेको छ ।
कम्पनीको गत आर्थिक वर्ष २०७७/७८ को मुनाफबाट सेयरधनीहरुलाई लाभांश वितरणको प्रस्ताव गरेको हो ।
कम्पनको माघ २ गते बसेको संचालनक समितिको बैठकले सेयरधनीहरुलाई २५ प्रतिशत बोनस सेयर वितरण गर्ने निर्णय गरेको छ ।
उक्त प्रस्तावित लाभांश अब नेपाल राष्ट बैंकबाट स्वीकृति पाई कम्पनीको आगामी वार्षिक साधारण सभाले पारित गरेपश्चात वितरण हुनेछ ।
वि.सं.२०७८ माघ ३ सोमवार १७:४६ मा प्रकाशित