काठमाडौँ । नेपालमा चालु आर्थिक वर्षको मंसिरसम्म आइपुग्दा अनलाईन बैंकिङ्ग प्रयोगकर्ताको संख्या पौने २ करोड पुगेको छ । मोबाईल बैंकिङ्ग प्रयोगकर्ता र इन्टरनेट बैंकिङ्ग प्रयोगकर्ता गरि अहिले १ करोड ७४ लाख ६२ हजार जना अनलाईन बैंकिङ्गमा आबद्ध भएको देखिएको हो ।
नेपाल राष्ट्र बैंकको तथ्यांक अनुसार मोबाईल बैंकिङ्ग प्रयोगकर्ता मंसिर मसान्तसम्म आउँदा १ करोड ५९ लाख ४१ हजार पाँचसय बढी रहेका छन् । यी मध्ये वाणिज्य बैंकको मोबाईल बैंकिङ्ग प्रयोगकर्ता १ करोड ४१ लाख ९ सय, विकास बैंकको मोबाईल बैंकिङ्ग प्रयोगकर्ता १७ लाख २५ हजार र फाइनान्सको मोबाइल बैंकिङ्ग प्रयोग गर्ने ७० हजार पाँच सय बढी रहेका छन् ।
त्यस्तै इन्टरनेट बैंकिङ्ग प्रयोगकर्ताको संख्या १५ लाख २० हजार ६ सय रहेको राष्ट्रबैंकले जनाएको छ । वाणिज्य बैंकहरुको इन्टरनेट प्रयोग गर्नेको संख्या १२ लाख १ हजार तीन सय तिरहत्तर रहेको छ । त्यस्ते विकास बैंकहरुको इन्टरनेट प्रयोगकर्ताको संख्या ३ लाख १० हजार पाँच सय र फाइनान्सकम्पनीहरुको इन्टरनेट बैंकिङ्ग चलाउनेको संख्या ८ हजार सात सय २३ रहेको छ ।
वि.सं.२०७८ माघ ५ बुधवार १६:१० मा प्रकाशित