काठमाडौ । चालु आर्थिक बर्षको पाँच महिना बाणिज्य बैंकहरुले १ लाख १५ हजार ७७४ जनालाई एक खर्ब ८२ अर्ब २९ करोड रुपैयाँ बराबरको सहुलियतपुर्ण कर्जा प्रबाह गरेका छन् ।नेपाल राष्ट्र बैंकले प्रकाशित गरेको तथ्यांक अनुसार सवैभन्दा बढी कृषि विकास बैंकबाट १३ हजार ५६४ जनाले २२ अर्ब ६४ करोड रुपैयाँ बराबको सहुलियतपुर्ण कर्जा लगेका छन् ।
त्यस्तै बाणिज्य बैंकहरुमा सवैभन्दा कम स्ट्यान्डर्ड चार्टड बैंकबाट ३६४ जनाले १ अर्ब ३१ करोड रुपैयाँ बराबरको सहुलियतपुर्ण कर्जा लिएका छन् ।
सरकारले विभिन्न १० वटा शिर्षकमा सहुलियतपुर्ण कर्जा प्रदान गर्दै आएको छ । विपन्न नागरिकले पनि सहुलियत दरमा सहज वित्तिय सेवा प्राप्त गरुन् भन्ने उदेश्यले सरकारले सहुलियतपुर्ण कर्जाको स्कीम ल्याएको हो ।
सहुलियतपुर्ण कर्जाको लागि विभिन्न मापदण्ड रहेका छन् । ‘सहुलियपुर्ण कर्जाको लागि व्याज अनुदान सम्बन्धी एकीकृत निर्देशिका,२०७५’ अनुसार विभिन्न १० वटा शिर्षकमा सरकारले व्याज अनुदान दिन्छ । महिला उद्यमी कर्जा शिर्षकमा भने ६ प्रतिशत व्याज अनुदान दिइने भएपनि अन्य सम्पुर्ण सहुलियतपुर्ण कर्जामा ५ प्रतिशत व्याज अनुदान दिने सो निर्देशिकामा उल्लेख गरिएको छ ।
राष्ट्र बैंकका अनुसार गत पाँच महिनामा मात्र सरकारले ११ अर्ब १५ करोड रुपैयाँ व्याज अनुदान दिइसकेको छ । त्यस्तै यो अवधिमा एक कारोड भन्दा बढी रकम १९८१ वटा विभिन्न फर्म तथा कम्पनीहरुले सहुलियतपुर्ण कर्जा शिर्षकमा ऋण लगेका छन् ।
आर्थिक बर्षको पाँच महिनामा बाणिज्य बैंकहरुले वितरण गरेको कर्जाको संख्या र रकम
वि.सं.२०७८ माघ ६ बिहीवार १५:५५ मा प्रकाशित
