काठमाडौं । पोखरा फाइनान्सले चालु आर्थिक वर्ष २०७८/७९ दोस्रो त्रैमासिक वित्तीय विवरण सार्वजनिक गरेको छ ।
वित्तीय विवरण अनुसार चालु आवको पुस मसान्तसम्ममा कम्पनीले २ करोड ९६ लाख १६ हजार रुपैयाँ नाफा कमाएको छ ।
कम्पनीको यो नाफा गत वर्षको सोही अवधिको तुलनामा ६९.४३ प्रतिशतले कमी हो । गत वर्षको पुस मसान्तसम्म कम्पनीले ९ करोड ६८ लाख ८६ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी १५ करोड ९१ लाख ८३ हजार रुपैयाँ रहेको छ । कम्पनीको खुद ब्याज आम्दानी गत वर्षको सोही अवधिको तुलनामा भने १८.९० प्रतिशतले घटेको हो । गत वर्षको पुस मसान्तसम्ममा भने कम्पनीको यस्तो आम्दानी १९ करोड ६२ लाख ८२ हजार रुपैयाँ रहेको थियो ।
चालु आवको पुस मसान्तसम्ममा कम्पनीको खुद संचालन मुनाफा ९ करोड १९ लाख ७३ हजार रुपैयाँ रहेको छ । कम्पनीको वितरण योग्य मुनाफा ४ करोड १९ लाख २८ हजार रुपैयाँ रहेको छ ।
कम्पनीको चुक्ता पुँजी १ अर्ब ४ करोड ९ लाख १९ हजार रुपैयाँ रहेको छ । कम्पनीले जगेडा कोषमा भने २९ करोड २७ लाख ६७ हजार रुपैयाँ राखेको छ ।
उक्त अवधिमा कम्पनीको खराब कर्जा वृद्धि भएको देखिएको छ । गत वर्षको पुस मसान्तमा १.३२ प्रतिशत रहेको खराज कर्जा यस वर्षको सोही अवधिमा बढेर १.५३ प्रतिशत पुगेको छ ।
कम्पनीको प्रतिसेयर आम्दानी ५ रुपैयाँ ६९ पैसा र प्रतिसेयर नेटवर्थ १०४ रुपैयाँ १५ पैसा रहेको छ ।
वि.सं.२०७८ माघ ९ आइतवार १२:४८ मा प्रकाशित
