काठमाडौं । गोर्खाज फाइनान्सले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले १ करोड ६५ लाख ७० हजार रुपैयाँ नाफा कमाएको छ । जुन गत वर्षको पुस मसान्तसम्मको तुलनामा ७४.८५ प्रतिशतले कमी हो । गत वर्षको सोही अवधिमा कम्पनीले ६ करोड ५८ लाख ९१ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी ८ करोड १६ लाख ७० हजार रुपैयाँ रहेको छ । कम्पनीको खुद ब्याज आम्दानी गत वर्षको पुस मसान्तसम्मको तुलनामा ४६.६० प्रतिशतले कमी हो । गत वर्षको सोही अवधिमा कम्पनीको खुद ब्याज आम्दानी १५ करोड २९ लाख ६७ हजार रुपैयाँ रहेको थियो ।
उक्त अवधिमा कम्पनीको संचालनमा मुनाफा ३ करोड १५ लाख ५९ हजार रुपैयाँ रहेको छ । कम्पनीको संचालन मुनाफा पनि गत वर्षको दोस्रो त्रैमासको तुलनामा भने ८७ प्रतिशतले कमी हो । गत वर्षको सोही अवधिमा कम्पनीको संचालन मुनाफा २४ करोड ३३ लाख ६५ हजार रुपैयाँ रहेको थियो ।
कम्पनीको चुक्ता पुँजी ८६ करोड ७९ लाख ९३ हजार रुपैयाँ रहेको छ । कम्पनीले जगेडा कोषमा भने भने ७० करोड ४८ लाख ११ हजार रुपैयाँ राखेको छ ।
कम्पनीको खराब कर्जा पनि वृद्धि भएको छ । गत वर्षको पुस मसान्तसम्ममा ४.४२ प्रतिशत रहेको खराब कर्जा यस वर्षको सोही अवधिमा भने बढेर ८.१७ प्रतिशत पुगेको छ ।
कम्पनीको प्रतिसेयर आम्दानी ४ रुपैयाँ ४६ पैसा र प्रतिसेयर नेटवर्थ १६४ रुपैयाँ १७ पैसा रहेको छ ।
वि.सं.२०७८ माघ ९ आइतवार १३:५९ मा प्रकाशित
