काठमाडौं । आइएमई लाइफ इन्स्योरेन्स कम्पनीले अघिल्लो आर्थिक वर्षको लागि बोनरदर घोषणा गरेको छ । कम्पनीले आर्थिक वर्ष २०७६–७७ को बोनसदर घोषणा गरेको हो।
कम्पनीको अघिल्लो आर्थिक वर्षको आर्थिक लेखाजोखा र दायित्वको मुल्याङकन सम्बन्धी बीमाङकीय प्रतिवेदन बीमा समितिले स्वीकृत गरेपछि मुनाफामा सरिक हुने गरी जारी गरिएको बीमालेखहरुमा बोनस दर सार्वजनीक गरेको हो ।
कम्पनीले विभिन्न पोलिसिमा न्युनतम २० रुपैयाँदेखि अधिकतम ७० रुपैयाँसम्म बोनद दिने जनाएको छ ।
सावधिक जीवन बीमालेख
कम्पनीले यस बीमालेखमा न्युनतम प्रतिहजार ३० रुपैयाँदेखि ७० रुपैयाँसम्मको बोनसदर घोषणा गरेको छ ।
सावधिक अग्रिम भुक्तानी तथा आजीवन बीमालेख
सावधिक अग्रिम भुक्तानी तथा आजीवन बीमालेखको हकमा कम्पनीले न्युनतम ३० रुपैयाँदेखि ७० रुपैयाँसम्म बोनसदर कामय गरेको छ ।
अग्रिम भुक्तानी तथा सावधिक जीवन बीमालेख
अग्रिम भुक्तानी तथा सावधिक जीवन बीमालेखको हकमा कम्पनीले न्युनतम ३० रुपैयाँदेखि ७० रुपैयाँसम्म बोनसदर कामय गरेको छ ।
त्यस्तै, कम्पनीको वार्षिक अग्रिम भुक्तानी सावधिक (धन सरिता) जीवन बीमालेखको सबै अवधिमा एउटै बोनसदर कायम गरेको छ । जुन बीमालेख खरिद गर्ने बीमितले २० रुपैयाँ बोनस पाउनेछन् ।
वि.सं.२०७८ माघ १० सोमवार ११:५० मा प्रकाशित
