काठमाडौं । चालु आर्थिक बर्षको पहिलो ६ महिनामा २२ अर्ब ३ करोड रुपैयाँले सुन आयात भएको छ । यो गत आर्थिक बर्षको तुलनामा ८१.१६ प्रतिशतले बृद्धि हो । भन्सार विभागको तथ्याँक अनुसार चालु आर्थिक वर्षको पहिलो ६ महिनामा २२ अर्ब बढीको सुन आयात भएको छ। गत आर्थिक वर्षको सोही अवधिमा १२ अर्ब १६ करोड रुपैयाँको सुन आयात भएको थियो ।
गत आर्थिक वर्षमा भने जम्मा २७ अर्ब ३४ करोड रुपैयाँको मात्रै सुन आयात भएको थियो। आर्थिक बर्ष २०७६÷७७ मा १३ अर्ब रुपैयाँ बराबरको सुन आयात भएको भन्सार विभागले जनाएको छ ।
त्यस्तै चाँदी आयात मंसिर महिनाको तुलनामा २३ करोडले घटेको छ । मंसिर महिनामा मात्र नेपालमा २९ करोड रुपैयाँ बराबरको चाँदी आयात भएकोमा पुसमा भने जम्मा ६ करोड रुपैयाँ बराबरको मात्र चाँदी आयात भएको छ ।
पुससम्ममा १२ अर्ब ५७ करोड रुपैयाँ बराबरको चाँदी आयात भएको हो। गत वर्षको यसै अवधिमा ७ अर्ब लाख रुपैयाँ बराबरको मात्रै चाँदी आयात भएको थियो । त्यस्तै ६ महिनामा सरकारले सुन आयातबाट २ अर्ब ७१ करोड रुपैयाँ र चाँदी आयातबाट १ अर्ब १८ करोड रुपैयाँ गरी कुल ३ अर्ब ९० करोड रुपैयाँ बराबरको राजस्व संकलन गरेको छ।
वि.सं.२०७८ माघ १० सोमवार ११:४६ मा प्रकाशित