काठमाडौं । आईसीएफसी फाइनान्सले चालु आर्थिक वर्ष २०७८/७९ दोस्रो त्रैमासिक वित्तीय विवरण सार्वजनिक गरेको छ ।
चालु आवको पुस मसान्तसम्ममा कम्पनीले ९ करोड २६ लाख ५४ हजार रुपैयाँ नाफा कमाएको छ । जुन गत वर्षको सोही अवधिको तुलनामा २४.४१ प्रतिशतले कमी हो । गत वर्षको दोस्रो त्रैमासमा कम्पनीले १२ करोड २५ लाख ७० हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी भने ३२.६६ प्रतिशतले वृद्धि भई २० करोड ९० लाख ४३ हजार रुपैयाँ पुर्याएको छ । गत वर्षको पुस मसान्तसम्ममा कम्पनीको खुद ब्याज आम्दानी १५ करोड ७५ लाख ७९ हजार रुपैयाँ रहेको थियो ।
चालु आवको ६ महिनाको अवधिमा कम्पनीको संचालन मुनाफामा पनि २४.३२ प्रतिशतको गिरावट देखिएको छ । गत वर्षको सोही अवधिमा १७ करोड ४७ लाख ३२ हजार रुपैयाँ मुनाफा गरेको कम्पनीले यस वर्षको पुस मसान्तसम्ममा भने १३ करोड २२ लाख ३८ हजार रुपैयाँ रहेको छ ।
कम्पनीको वितरणयोग्य मुनाफा ५ करोड ८ लाख ५३ हजार रुपैयाँ रहेको छ । कम्पनीले उक्त अवधिमा १५ अर्ब ४५ करोड ४८ लाख ३८ हजार रुपैयाँ निक्षेप संकलन गरि १२ अर्ब ८६ करोड ९४ लाख ८४ हजार रुपैयाँ कर्जा प्रवाह गरेको छ ।
कम्पनीको चुक्ता पुँजी १ अर्ब १२ करोड ७१ लाख १५ हजार रुपैयाँ रहेको छ । कम्पनीले जगेडा तथा कोषमा भने ५३ करोड ८५ हजार रुपैयाँ राखेको छ ।
कम्पनीको खराब ०.३० प्रतिशतले वृद्धि भई १.०६ प्रतिशत पुगेको छ । गत वर्षको पुस मसान्तमा कम्पनीको खराब कर्जा ०.७६ प्रतिशत रहेको थियो ।
कम्पनीको प्रतिसेयर आम्दानी १६ रुपैयाँ ४४ पैसा रहेको छ । गत वर्षको सोही अवधिको तुलनामा भने कम्पनीको यो आम्दानी ७ रुपैयाँ ४९ पैसाले घटेको हो । यस्तै कम्पनीको प्रतिसेयर नेटवर्थ भने १४७ रुपैयाँ ३ पैसा रहेको छ ।
वि.सं.२०७८ माघ १० सोमवार १३:०२ मा प्रकाशित
