काठमाडौं । साधना लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले ७ करोड ५७ लाख ७४ हजार रुपैयाँ नाफा कमाएको छ । जुन गत वर्षको पुुस मसान्तसम्मको तुलनामा ११५.९१ प्रतिशतले बढी हो । गत वर्षको सोही अवधिमा कम्पनीले ३ करोड ५० लाख ९५ हजार रुपैयाँ नाफा गरेको थियो ।
चालु आवको पुस मसान्तसम्म कम्पनीको खुद ब्याज आम्दानी ६१.४५ प्रतिशतले वृद्धि भई १४ करोड ८८ लाख ५० हजार रुपैयाँ पुगेको छ । यो आम्दानी गत वर्षको सोही अवधिमा ९ करोड २१ लाख ९१ हजार रुपैयाँ रहेको थियो ।
उक्त अवधिमा कम्पनीको संचालन मुनाफा १० करोड ४१ लाख ५६ हजार रुपैयाँ रहेको छ । कम्पनीको चुक्ता पुँजी ३२ करोड १२ लाख ५५ हजार रुपैयाँ रहेको छ । कम्पनीले जगेडा तथा कोषमा भने १३ करोड ६९ लाख २१ हजार रुपैयाँ राखेको छ ।
कम्पनीले खराब कर्जा पनि घटाएको छ । गत वर्षको पुस मसान्तसम्ममा ३.५२ प्रतिशत रहेको खराब कर्जा यस वर्षको सोही अवधिमा भने घटेर १.२८ प्रतिशतमा झारेको छ ।
कम्पनीको प्रतिसेयर आम्दानी ४७ रुपैयाँ १८ पैसा र प्रतिसेयर नेटवर्थ १४२ रुपैयाँ ६२ पैसा रहेको छ ।
वि.सं.२०७८ माघ १६ आइतवार ११:४३ मा प्रकाशित
