काठमाडौं । सेयर बजारमा दोहोरो अंकको गिवरावट आएको छ । साताको दोस्रो कारोबार दिन बजार १४.४८ अंकले घटेको हो ।
सोमबार बजार परिसुचक २८७१.०५ अंकको बिन्दुमा पुगेर बन्द भएको छ । आज कारोबार रकममा पनि गिरावट आएको छ ।
उक्त दिन माइक्रोफाइनान्स ३०.१७ अंक, लगानी समूह २.०८ अंक र अन्य समूह ३७.३४ अंकले वृद्धि भएको छ । आज यी बाहेक अन्य सबै समूहहरु राताम्मे बनेका छन् ।
नेपाल स्टक एक्सचेञ्ज(नेप्से)का अनुसार आज ५ अर्ब १५ करोड ४१ लाख ७७ हजार रुपैयाँ बराबरको १ करोड १ लाख ५ हजार ६६९ कित्ता सेयर कारोबार भएको हो ।
उक्त दिन हाइड्रोइलेक्ट्रिसीटी इन्भेष्टमेन्ट एण्ड डेभलपमेन्ट कम्पनी(एचआईडीसीएल)को सर्वाधिक सेयर कारोबार भएको छ । कम्पनीको आज ५७ करोड १२ लाख ७८ हजार रुपैयाँ बराबरको सेयर किनबेच भएको हो ।
कारोबार रकमकै आधारमा दोस्रो स्थानमा रहेको अपर तामाकोशीको ३१ करोड ८२ लाख ७८ हजार रुपैयाँ बराबरको सेयर किनबेच भएको छ ।
यस्तै, आज नेपाल दुरसञ्चार कम्पनीको पनि ३१ करोड १८ लाख ८४ हजार रुपैयाँ बराबरको सेयर कारोबार भएको छ ।
वि.सं.२०७८ माघ १७ सोमवार १५:२३ मा प्रकाशित