काठमाडौं । सानिमा बैंक लिमिटेडले तीन स्थानमा शाखा स्थपाना गरि बैंकिङ सेवा विस्तार गरेको छ ।
बैंकले सोमबार एकैदिन कावासोती, बर्दिबास र अत्तरियामा बैंक शाखा स्थापना गरी बैंकिङ्ग सेवा विस्तार गरेको छ ।
कावासोती–८, नवलपुरस्थित कावासोती शाखाको समुद्घाटन कावासोती नगरपालिकाका मेयर चन्द्र कुमारी पुन, बर्दिबास–१, महोत्तरीस्थित बर्दिबास शाखाको बर्दिबास नगरपालिकाका मेयर बिदुर कुमार कार्की, अत्तरिया शाखा गोदावरी नगरपालिकाका मेयर हरि सिंह साउद र उद्योग वाणिज्य संघका अध्यक्ष अशोक राज देवकोटा संयुक्त रुपमा गर्नुभयो ।
उद्घाटनपछि सानिमा बैंकलाई आफ्नो क्षेत्रमा बैंक शाखा पुगेको र कोभिड १९को जोखिम न्यूनीकरण गर्न सुरक्षा सावधानीका उपायहरु अपनाएर व्यवस्थित गरेकोमा कृतज्ञता व्यक्त गरेका छन् ।
बैंकले पनि यी शाखाहरु संचालनमा आएसँगै सो क्षेत्रका बासिन्दाहरुलाई गुणस्तरीय बैंकिङ्ग सेवामा सहज पहुँच हुने विश्वास लिएको छ ।
बैंकको देशका सातै प्रदेशमा १२२ कार्यालय र १०२ वटा एटीएम संचालनमा रहेका छन् ।
वि.सं.२०७८ माघ १७ सोमवार १६:२८ मा प्रकाशित
