काठमाडौं । अजोड इन्स्योरेन्स कम्पनीको चालु आर्थिक बर्षको दोस्रो त्रैमासमा खुद नाफा १३.९१ प्रतिशत बढेको छ ।
कम्पनीले पुस मसान्तसम्म आउँदा खुद नाफा ४ करोड ६३ लाख ४० हजार रुपैयाँ आर्जन गरेको हो । यस्तो नाफा रकम गत आर्थिक बर्षको सोही अवधिमा ४ करोड ६ लाख ८३ हजार रुपैयाँ आर्जन गरेको थियो ।
यो दोस्रो त्रैमासमा कम्पनीको खुद बीमाशुल्क आर्जन पनि ९.१४ प्रतिशतले बढेको छ । समिक्षा अवधिमा कम्पनीले २२ करोड ७७ लाख ३६ हजार रुपैयाँ खुद बीमाशुल्क आर्जन गरेको छ । गत आर्थिक बर्षको सोही अवधिमा कम्पनीले २० करोड ८६ लाख ५८ हजार रुपैयाँ खुद बीमाशुल्क आर्जन गरेको थियो ।
यस्तै समिक्षा अवधिसम्म कम्पनीले कुल बीमाशुल्क आर्जन १६ प्रतिशतले बढाउन सफल भएको छ । समिक्षा अवधिमा कम्पनीले कुल बीमाशुल्क आर्जन ७९ करोड २१ लाख ५० हजार रुपैयाँ आर्जन गरेको हो । जबकी गत आर्थिक बर्षको सोही अवधिमा कुल बीमाशुल्क आर्जन जम्मा ६८ करोड ८३ लाख ४२ हजार रुपैयाँ रहेको थियो ।
कम्पनीको समिक्षा अवधिमा लगानी कर्जा तथा अन्य स्रोतबाट ४ करोड ९५ लाख ८० हजार रुपैयाँ आर्जन गरेको छ । गत आर्थिक बर्षको सोही अवधिमा कम्पनीले ४ करोड ६९ लाख ८६ हजार रुपैयाँ लगानी कर्जा तथा अन्य बाट आर्जन गरेको थियो ।
कम्पनीले समिक्षा अवधिमा खुद दावी भुक्तानी ११ करोड ५६ लाख ९३ हजार रुपैयाँ गरेको छ । गत आर्थिक बर्षको सोही अवधिमा कम्पनीले ९ करोड ७४ लाख ४८ हजार रुपैयाँ खुद दावी भुक्तानी गरेको थियो ।
यस अवधिमा कम्पनीको भुक्तानी हुन बाँकी दाबी रकम १ अर्ब १६ करोड ७७ लाख ७५ हजार रुपैयाँ छ । गत आर्थिक बर्षको सोही अवधिमा कम्पनीको भुक्तानी हुन बाँकी दाबी रकम २९ करोड ६४ लाख ७९ हजार रुपैयाँ थियो ।
कम्पनीको हाल १ अर्ब रुपैयाँ चुक्ता पूँजी रहेको छ । जगेडा कोष ७७.९५ प्रतिशत बढेर ११ करोड ८० लाख २३ हजार रुपैयाँ, बीमा कोष ६३.६१ प्रतिशत बढेर १३ करोड ५३ लाख २५ हजार रुपैयाँ र महाविपत्ती कोष ४५.४७ प्रतिशत बढेर १ करोड ७ लाख २० हजार रुपैयाँ रहेको छ ।
यो अवधिमा कम्पनीको प्रतिशेयर आम्दानी १ रुपैयाँ १३ पैसा बढेर ९ रुपैयाँ २७ पैसा पुगेको छ । गत आर्थिक बर्षको सोही अवधिमा कम्पनीको प्रतिशेयर आम्दानी ८ रुपैयाँ १४ पैसा रहेको थियो । कम्पनीको प्रतिशेयर नेटवर्थ १२६।४ रुपैयाँ रहेको छ भने मूल्य आम्दानी अनुपात ८०.४५ गुणा रहेको छ ।
वि.सं.२०७८ माघ १८ मंगलवार ११:१५ मा प्रकाशित