काठमाडौं । शाखा कार्यालय संचालनका लागि राष्ट्रिय वाणिज्य बैंकले घर तथा भवन भाडामा खोजेको छ ।
बैंकले सिराहाको गोलबजार र बाराको कोल्हबीमा शाखा कार्यालय संचालनका लागि घर तल्ला वा भवन भाडामा लिन खोजेको हो ।
उक्त स्थानहरुमा नयाँ शाखा संचालनका लागि घर तल्ला वा भवन भाडामा दिन इच्छुक व्यक्ति वा संस्थाले आफूले लिन चाहेको मासिक बहाल रकम उल्लेख गरि बोपलपत्र पेश गर्न सक्नेछन् । बोलपत्र आजैका मितिले २१ दिनभित्र ती दुवै शाखामा पेश गर्नुपर्नेछ ।
उक्त शाखा संचालनका लागि हल, ढुकुटी कोठा, प्रवन्धक क्वाटर, गार्ड क्वाटरका लागि २ हजारदेखि २५ सय वर्गफिट क्षेत्रफल भएको, सवारी साधान पार्किङ सुविधा, एटीएम तथा जेनेरेटर राख्ने सुविधा सम्पन्न भएको घर हुनुपर्ने बैंकले जनाएको छ ।
पिलर सिस्टमबाट निर्मित भवनको भुँई तल्ला, पानी विजुली बत्ति(थ्री फेज), टेलिफोन सुविधासहित कम्तीमा २/२ वटा टवाईलेट तथा बाथरुम रहेको सुविधा सम्पन्न पक्की र पार्किङको प्रशस्त सुविधा भएको भवनलाई विशेष प्राथमिकता दिईने बैंकले जनाएको छ ।
प्रस्तावित भवनमा नेपाल सरकारको स्वीकृत मापदण्ड अनुसार सार्वजनिक बाटो क्षेत्रमा नपर्ने गरि निर्माण गरेको हुनुपर्नेछ ।
वि.सं.२०७८ माघ १९ बुधवार १३:०६ मा प्रकाशित
