काठमाडौं । छिमेक लघुवित्त वित्तीय संस्थाले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
विवरण अनुसार चालु आवको ६ महिनाको अवधिमा कम्पनीले ४९ करोड ८४ लाख ४२ हजार रुपैयाँ नाफा कमाएको छ । कम्पनीको यो नाफा गत वर्षको सोही अवधिको तुलनामा भने १९.०१ प्रतिशतले कमी हो । गत वर्षको पुस मसान्तसम्ममा कम्पनीले ६१ करोड ५४ लाख ९३ हजार रुपैयाँ नाफा गरेको थियो ।
चालु आवको ६ महिनाको अवधिमा कम्पनीको खुद ब्याज आम्दानी १३.९० प्रतिशतले वृद्धि भई १ अर्ब १२ लाख ९ लाख ६७ हजार रुपैयाँ पुगेको छ । गत वर्षको सोही अवधिमा कम्पनीको यो आम्दानी ९८ करोड ४१ लाख ९ हजार रुपैयाँ रहेको थियो ।
कम्पनीको संचालनमा मुनाफामा भने गिरावट देखिएको छ । चालु आवको पुस मसान्तसम्ममा कम्पनीको संचालन मुनाफा ८.३६ प्रतिशतले घटेर १ अर्ब २७ करोड ८ लाख ८४ हजार रुपैयाँ कायम भएको छ । कम्पनीको यो मुनाफा गत वर्षको सोही अवधिमा भने १ अर्ब ३८ करोड ६९ लाख ६१ हजार रुपैयाँ रहेको थियो ।
कम्पनीको वितरणयोग्य मुनाफा ३८ करोड ८७ लाख ८५ हजार रुपैयाँ रहेको छ । कम्पनीको चुक्ता पुँजी २ अर्ब ३२ करोड ४१ लाख रुपैयाँ रहेको छ । कम्पनीले जगेडा कोषमा भने १ अर्ब २८ करोड १७ लाख ३ हजार रुपैयाँ राखेको छ ।
कम्पनीको प्रतिसेयर आम्दानी ४२ रुपैयाँ ८९ पैसा र प्रतिसेयर नेटवर्थ २०३ रुपैयाँ २६ पैसा रहेको छ ।
वि.सं.२०७८ माघ २१ शुक्रवार ११:५२ मा प्रकाशित